حلو شمحلاك

[ابو علي الصكر]

هذا اليسمونه حب

مواحلاهم انته بس دخت بيك ... همه الاحله بس محد حلالي
وحب من طرف واحد حبي وياك... واكل للناس بس حبك مثالي
ولحد الان بس انته اقتنع بيك ... ولحد الان بس انته اعله بالي
اذا يحجون ما اسمع شيحجون... واذا تسكت اسمعنك ياغالي
شرجي وتخنك الريه واشم بيك ... واكل للريه يمعوده شمالي
عليك ابجي وعلي تضحك وازكيك ... واكول شكد حنين شكد بجالي
اكلك غالي وتغلس واحاجيك ... وتلبسني واكلهم كلي غالي
احبك غير احبك غير اداريك ... غير انته الذي تبهذلي حالي

\\\\\\\\\\\\\\\\\\\\\\\\\\\\\\\\\\\\\\\\\\
وما ترهملي بس تفصال احس بيك ... ومر تكتل واضوكك حلو شمحلاك
اغمض عيني مغمضه وتصد ليك ... افك عيني اعله غيرك انته الكاك
هله بجيتك اصيح وانته ما جاي ... واقشمرني واكوم اتشابك وياك
بدونك عندي حته العيد مو عيد ... وبعاشور جنه العيد ملكاك
تسواني وتسوه الراح والجاي ... وتسوه الكلشي انته وحته تسواك
000000000000000000000000
مما راق لي وبهذلني
صكر

[سلام الدراجي]

الله الله ياابو علي الصكر قصيده رائعه وناقل اروع من القصيده كيف لا وهو الصكر حبيب گلبي تحياتي لك اين ما كنت يبعد الجبد والروح والراي اتمنى لك دوم الابداع والتميز ياصاحب الردود الاكثر اثاره من بين الاعضاء دمت بخير خليك قريب مو لو مو مو
تحياتي

[ام فيصل]

الى الان لم اعرف مانوع الحب الذي تحمله ياصكر
تجاوزت بحبك كل اساطير الحب
وترجلت فارسا كعادتك لاتهاب قيود الوحدة ولا دخان همومك

لاادري --- اهو موج جارف اكتنفك -- يسكنك منذ زمن؟
ام هو زبد يتوارى بعد حين ؟

كعادتي

اتحير في كلماتك ----- لكنني لم انفك بعد من الغوص في خوالجك -- ايها الغامض الواضح


مدللــــــــي ------------- كن بخير دوما

[أنثى شرقية]

ء
عاشت ايدك كلمات رائعه ونقل مميز
وعوده موفقه اخوي مفتقدين قلمك الرائع والمميز بين شعرنا وخواطرنا
اين انت منهم تعودنا منك ان نلتهم الحروف والشعر من قلمك المميز فلا تحرمنا عطائك الدائم
كانت هنا احلام في الانتظار
والتي اسميتها انت
المنتظرة في الاحلام

لك كل التقدير والاحترام
تحياتي

[ملكة الاحساس]

روووووووووووووووعــــــــــــــــــــــــــهـــ
صح آلســـــــــــآآآآنك آخـــــويــــــهــ آبـــــو علـــــــــي

احبك غير احبك غير اداريك ... غير انته الذي تبهذلي حالي
رررررروعة سلمت يداك

[مريم جبران عودة]

بعضهم قال : الحب غنى ورفعة


والبعض الآخر قال : الحب مذلّة



وأنا أقول : الحب داءٌ دواؤه الحب



\
\


ابو علي


كن بخير بحق السماء

[ابو علي الصكر]

الله الله ياابو علي الصكر قصيده رائعه وناقل اروع من القصيده كيف لا وهو الصكر حبيب گلبي تحياتي لك اين ما كنت يبعد الجبد والروح والراي اتمنى لك دوم الابداع والتميز ياصاحب الردود الاكثر اثاره من بين الاعضاء دمت بخير خليك قريب مو لو مو مو


تحياتي

حبيب كلبي انت والله الف شكر على التحيات الحاره التي احرقتني بحرارتها وتسلم لي اخي
ابو حيدر00
مرورك هو الاروع وانا قريب جدا منك 00
كن بخير
اخوك الصكر