الصــــــبر(ذر جرحك ملح وتلاوه وية الآه)

[أنثى شرقية]

الصــــــبر

ذر جرحك ملح وتلاوه وية الآه
وكابر عاليالي ولا تورج احد
وتحملهه بجلادة هموم الايام
وبالك لا تذل للبيك يتوعد
مريود الصبر رغم المرار البيه
ولو جرحك جبير وكلبك تمرد
يفتر الوكت تدري الوكت ناعور
والدلو النزل لابد يرد يصعد
مايبكة الحمل للتالي مطروح
فرج الله اعله ساعة وبابة ما تنسد
تحزم بالصبر شدة وتمر وتروح
جم هم بهظم عالناس راح ورد
مو عجبة الزلم تضايك وتعتاز
وتذابح بعضهه ومنهه تشرد
البعض تعكر رجلهه بصيحة الها
وبعضهه انذال لاجن عالزلم تنعد
يصح واحد تحشمه يصيح عيناك
وي صوتك تشوفة وياك يتحدد
ويصح واحد رعيع يخاف من الصوت
ومن صوت التفك لو ثار يتلبد
تنقاس الزلم بالعازة والكلفات
بساعتهه تعرف الزين والاسود


منقوول

[سلام الدراجي]

الله احلام رائعه ما تنقلين لنا من قصائد
صح السانج اختي ودمتي بالف خير

[امير الاحزان:]

يصح واحد تحشمه يصيح عيناك
وي صوتك تشوفة وياك يتحدد
ويصح واحد رعيع يخاف من الصوت
ومن صوت التفك لو ثار يتلبد
تنقاس الزلم بالعازة والكلفات
بساعتهه تعرف الزين والاسود
............................
صح السانك احلام..
والله وانتي الصادكة
شكرا" لهذا الانتقاء الرائع
تحياتي الك

[أنثى شرقية]

بارك الله بيكم ياطيبين لمروركم الكريم
وسعيده بتواصلكم الرائع والمميز
دمتم بالف خير
وتحياتي الكم