حوار بين زوج وزوجته

[الشاعركريم السلطاني]

هـــــــــــــــــــــــــي
كلي شبيك نايم شنهي سالفتك
احجيلي الصدك ايمان حلفتك
مو مليت اني شكثر كعدتك
مثل الناس زلمة تصير لو نوبة

هـــــــــــــــــــــــو
مثل الناس انة وبالحجي معدل
ادور عالشغل لتكولي ما اندل
شتريدين يم السان ما يخجل
مسكتين عني وروحي يالعوبة

هــــــــــــــــــــي
عوبة تكول عني راح اشك زيجي
اذا بوجهك اصبح ما افك ريجي
اطفر دوم جنك خايب ازريجي
هم رجال عندي وزوجة محسوبة

هــــــــــــــــــو
بيج ارضيت انة استحمد الباري
لو عد غيري اصلا ما الج طاري
شوشتي العكل ونشدهت افكاري
ماتحجين لو سنين مكروبة

هـــــــــــــــــي
خايب وين عكلك حتة اشوشنة
اسم رجال انة اليمي اشوفنة
راس الثور راسك بالضبط جنة
غم حضي اطلعت ياناس مغلوبة

[الشاعركريم السلطاني]

هذا الجزء الاول منالحوار لانة طويل الشاعر كريم السلطاني ترقبو الاجزاء البعدة وشكرا لكم

محاوره رائعه وجميله جدا
عاشت الايادي اخي الغالي

وننتظر المزيد من عطاءك

تقبل مروري

[سلام الدراجي]

احسنت كريم محاوره لطيفه نتظر جديدك عاشت ايدك وبارك الله بيك

[امير الاحزان:]

هــــــــــــــــــــي
عوبة تكول عني راح اشك زيجي
اذا بوجهك اصبح ما افك ريجي
اطفر دوم جنك خايب ازريجي
هم رجال عندي وزوجة محسوبة
.............................
هههههههههههههههههههههههه
حلوه منك اخي كريم
لاتعليق
ننتظر الجزء الثاني..
تحياتي الك