صوت العراق

[الشاعركريم السلطاني]

هد صوت الشعر خل يوصل ابعيد
ولو مبحوح ومحمل معانات
يظل صوت الوطن هيهات ميموت
وطن بية انبنت اقدم خظارات
ايدوس اعلة الجرح ماجنة مجروح
يضحك للشمس ومحمل اهات
ابو النهرين هذا الماجزع يوم
اخو خيتة العراق اشال كلفات
اظل بية افتخر ونشدلة الاشعار
وميهمني ابحجي وقول التفاهات
ميرد اليجية ايكلة حياك
وبعيونة اليضيفة اعراكنة ايبات
ردو انجان ابالغ يالتسمعون
ماجذب ترانب امحضر اثبات
اضل انة العراقي اوين ماكون
وعن حب الوطن اكتب مقالات
عنواني الفخر ماذلن ابعوز
وشعار حسين من اسمة الشعارات
ما
يخظع وطنة الكان ماكان
فقط لله رب هاي السماوات
ظرف هذا ويمر عالزين والشين
وصبر عدنة جبير ابهل المجالات
ترد بغداد شمعة اتنور الكون
وتسد احلوك كل هاي الحثالات

[سلام الدراجي]

حييييييييييييييياك يااصيل وياوطني ياشريف على راسي انت وكل اشعارك
والله يااخي بيك روح الوطنيه بدرجد مثاليه تحيه لك اخي للقصيده الاكثر من رائعه ومدمت بخير

[ام فيصل]

اضل انة العراقي اوين ماكون
وعن حب الوطن اكتب مقالات
عنواني الفخر ماذلن ابعوز
وشعار حسين من اسمة الشعارات


والله والنعم - والثلثت انعام بيك ياالسلطاني
وبالعراقي

صح لسانك عزيزي
قصيدة اكثر من رائعة
وكل بيت احله من الثاني

الله لايحرمنا هالقريحة النقية
ودمت بخير