بسم الله الرحمن الرحيم
السلام عليكم
اليكم اعزائي الاعضاء قصيدة اخرى بعنوان اعز صحباني وهي من كتاباتي المتواضعة بالطبع وانشاء الله تنال اعجابكم
foraten.net/?foraten.net/?foraten.net/?foraten.net/? الشويلي
طبع هذا الوكت مثل السجياجين
والسجين تغدر مانأمنهة
كبل كله زلمة تلكة بغصرة قامات
ونزلنة القامة بس مو من ثكلهة
عرفنة القامة تغدر حتى الغماد
عمينة اسنونهة وقربنة اجلهة
وطبع الدنيا تبعد عنك احباب
ودموعك سيل تجري وماتكضهة
نذكر جم حبيب الراح لبعيد
وجم مهرة اكطعت عمدا رسنهة
عدهة اوجوه هاي الدنيا ياناس
وتفلش امضايف بنطقة لسنهة
الثعلب جان ماكر هذا معروف
وطلع مكرة تقاعد من مكرهة
لذلك من انام عيوني متنام
واغمض بالغصب تفتح جفنهة
ماتوفي جذب وانشدت الكبار
وشايب كلي لاتأمن بمثلهة
كلي تشوف كل هالفضة عالراس
شعري انصبغ ابيض من فعلهة
احذر لاتوليهة الظهر مرتاح
من الشيطان هالدنيا اصلهة
لابل منهه الشيطان مولود
وكلمة غدر طلعت من ظهرهة
لاتنطر تموت ايكلي فد يوم
نطرنة اعمارنة و ماشاب سنهة
وخلي انت براسك اربع عيون
حتى امن الخلف لا تامن الهة
عاين عالعيون وتعرف الصار
شوف كلوب مكسورة بغدرهة
وعاين عالمكابر تحجي وتكول
المصايب فوك قوتهة نطنهة
اشجم ام وحزينة بدمعهة تبات
وتنوح وتبجي وتون اعله ابنهة
وجم شاب الفكد الحبيبة مغصوب
ورغما عنه ياوادم هجرهة
بدنيانة صعب يـتأمن الليل
وظلماته غلط نغفة بعتمهة
هجروني عزاز هواي ياهالناس
ضيعت الاهل وحبيبتي ضيعت قافلهة
حبيبة وذكرة صارت غادرت لبعيد
وبس اطلال ظلت وانه ساكنهة
وهلي شحوا علي ضليت وسط اغراب
وهمومي الوحدي ابقيت حاملهة
وداري موش داري جنت بالايجار
والمالك سكر واغراضي شمهرة
وصحابي اطلعوا عكرب وطلعوا شمات
وانه اسراري يمهم جنت أئمنهة
سري ببير كالوا ماننبشة بيوم
جن بمكبرة الاسرار دافنهة
ومن حزني ثكل احبابي سووة شين
والدنيا نشرت سري بجرايدهة
والحبيبة المشت كالولي هذا اليوم
اعز صحباني ياهالناس خاطبهة