سهــــــــــــــــله عندك تخليــــــــــني

[وردة بغداد]

سهله عندك تخليني وتعذبني وتجافيني

اني الحطيتك بكلبي وسلمتك الروح

سهله عندك تخليني اموت بحزن ابعادك
واني الجنت باليوم مليون فدوه الك اروح


شلون تراضاها اعيش من دونك
وشلون ترضى الشامت لجروحي يلوح


جنت من تحزن بصدري تذب همومك
هسه اني من جرحك ادور صدر الي مفتوح


حتى اشتكي من عذابك وابرد الكلب
وما اخليه من جرح فركاك يندب وينوح



سهله عندك تخليني بين ايد الناس
يلعبون بحياتي مثل لعبه المرجوح



جنت اداوي جرحك من تجرحك دنياك
هسه شلون تعوفني بفركتك مذبوح


صرت تحجي عليه اشكال والوان
واني الجنت دومي اذكرك بممدوح


صدك يمحبوبي هسه صار وكت الفراك
وصدك هسه جاي تكلي كافي عني روح


روح الله وياك اذا من عندي مليت
بس اذكرني اذا صابتك هم وجروح

[سلام الدراجي]

الاخت ورده اكيد القصيده مكتوبه بيدج
اقول بدايه جيده بالرغم من الهفوات بالوزن
استمري بالكتابه ونحن لك متابعون مشكوره اختاه
دمتي بخير

[أنثى شرقية]

عاشت ايدك ياورده كلمات رائعه
ننتظر جديدك تحياتي الك

[رنا العراقية]

روح الله وياك اذا من عندي مليت
بس اذكرني اذا صابتك هم وجروح

بداية موفقة


تحياتي لكي

[وردة بغداد]

تسلمون عيوني علردكم الجميل

منورين الصفحة

[ذياب الخزعلي]

ابدعتي اختي

يلتمس همسة من ثنايا الاحساس
لقلمكي سلمت اناملكي وننتظر
ابداعاتكي القادمةواحاسيسك الجميلة

دمتي متالقا دوما

تحيتي وتقييمي لكي