خفقه قلب امي

[أنثى شرقية]

امي بسنين العجاف
نكتفي بريحة حضنها..
ومن نجوع
تثرد الجوع بلبنها
ولو عطشنه
تعصر عيون العطش وتجيبه ماي
وتحلب الصيف وتشربنه ندا
وتطحن برحه صبرها
العوز وتسويه غدا
امي اخذ لونه الفرح من لونها
امي اخذ لونه الحزن من لونها
امي كاس ايامي حنظل..
شنته بليمونها
ترفع بجفها لواء اسمه الحنان
وكربة العباس ماي عيونها
مره حزنت ..
حيل حزنت..
لان خاصمنه الرغيف
نزل قرص الشمس حافي
تمدد بماعونها
من تسولف تمطر الدنيه دفو
ولو بجت تترس غطانه حمام
وتحط دمعتها مخده..
فقره ماعدنه سرير
من عصر تفرش جفنها
وتضم دمعتها ضوه يجيب الليالي
تستحي منه الحروب
الشجر ينزع ضحكته ويلبس ثياب الغروب
القذايف تعتنق دين الورد
العراق يصيح غطوني.. برد
النخل يقدم بصينيه عمره
ومن تهز كاروكنه تنام المجره ..




منقوول

اهدي هذه القصيده الى قلب امي والى قلوب كل الامهات

[الشاعركريم السلطاني]

الف شكر لك مني على هذة القصيدة الرائعة
اكو ضحكة اتصير احد من الرمح
واكو دمعة تنزل اداوي جرح

[امير الاحزان:]

امي بسنين العجاف
نكتفي بريحة حضنها..
ومن نجوع
تثرد الجوع بلبنها
ولو عطشنه
تعصر عيون العطش وتجيبه ماي
وتحلب الصيف وتشربنه ندا
وتطحن برحه صبرها
العوز وتسويه غدا
......................
لاتعليق يا احلام
لأني اقف عاجز عن ان اعطي لهذه الكلمات حقها
فالوذ بالصمت ..واقف اجلالا" لروعة الكلمة وحسن الانتقاء..
وانحني تحت اقدام امي والامهات..
بوركت اختي الغالية

[أنثى شرقية]

الف شكر لك مني على هذة القصيدة الرائعة
اكو ضحكة اتصير احد من الرمح
واكو دمعة تنزل اداوي جرح

تسلملي خويه لمرورك ولكلماتك وصح لسانك بعبارتك الرائعه
تحياتي الك

[أنثى شرقية]

امي بسنين العجاف
نكتفي بريحة حضنها..
ومن نجوع
تثرد الجوع بلبنها
ولو عطشنه
تعصر عيون العطش وتجيبه ماي
وتحلب الصيف وتشربنه ندا
وتطحن برحه صبرها
العوز وتسويه غدا
......................
لاتعليق يا احلام
لأني اقف عاجز عن ان اعطي لهذه الكلمات حقها
فالوذ بالصمت ..واقف اجلالا" لروعة الكلمة وحسن الانتقاء..
وانحني تحت اقدام امي والامهات..
بوركت اختي الغالية

تسلملي ياطيب لمرورك الرائع والمميز ربي يحفظك
ومهما عبرنا وكتبنا منكدر نجازي امهاتنه
تحياتي الك

[سلام الدراجي]

احلام الام لا تعوض مهما نكتب عنها هي كل شي بالوجود تسلمين لهذه القصيده الرائعه وشكرا للنقل دمتي بخير

[أنثى شرقية]

اسعدني مرورك الكريم والمميز اخوي الطيب سلام الدراجي

ربي يحفظك
تحياتي الك

الشاعر السيد عماد المطاريحي قلب العصفور صاحب الاحساس المرهف شكرا لانتقائك قصيدة امي