اصبــر ياوطــن شـداتــــك تـهــون

[ذياب الخزعلي]

اصبــر ياوطــن شـداتــــك تـهــون
الطبــولـك غفـل بـاجــر يشــردون
اصبــر ياوطـن يـالكلــك اعجـــــاز
ياخيمـة دفــو وللضيــف ماعـــون
باجــر ياوطنـة أتخضــر اشمـــوع
ونبنيلك صـرح مـن رمش العيـون
وباجــــر ياوطــن ماتبقــى أيتــــام
وباجــر يـاوطــن كلهــم يكبـــرون
الجــرح أشمـا كبـــر يتسلــى بالآه
وبجـرحـك جمــر كامـوا يحطـــون
يالطبعـك شمس ماظمها كـل غـيـم
بـاجــر بالحصـاد الكـل ينـدمــــون
كـل ظنهـم طحـت ما تكــدر اتكــوم
وذيــاب الغــــدر رادوا يعـيثـــــون
مثل ظنهـم يموت الـذبحـوا حسيـن
وبعـده حسين باقي الكل يشهـدون
وبعـده حسين باقي الكل يشهـدون

[أنثى شرقية]

عاشت ايدك وقلمك الرائع
تحياتي الك

[الوردة الجورية]

سلمت اناملك على هذا الابداع كلمات رائعة جداً دام عطر حبرك الراقي تقبل مروري وتحياتي بأنتظار جديدك

[سلام الدراجي]

مثل ظنهـم يموت الـذبحـوا حسيـن
وبعـده حسين باقي الكل يشهـدون

اي والله وصح السانك عزيزي ذياب قصيده رائعه من وطني رائع
نجن وبهذه الضروف بحاجه ماسه لمثل هذه القصائد التي تلم الشمل ولا تفرق بارك الله بيك ودمت بخير

[ذياب الخزعلي]

تحياتي لعطفكم الراقي
واسال الله ان يجمع شملنا
ويوحد صفنا ويلعن الطغات
النجاس
بحق شهر رمضان الخير

[ام علاوي]

بارك الله بيك اخي ذياب وصح لسانك عزيزي
تحياتي ومزيدا من الابداع
مرت من هنا
ام علاوي

[ذياب الخزعلي]

تحياتي لكي سيدتي
ام علاوي يسعدني
مروركي المميز وتقبلي شكري