عتاب

[عراقي هواي وميزة فينا الهوى]

مع تحياتي
اليوم واثناء تصفحي في الصحف والمجلات وجدت
قصيدة للشاعر \\\ صاحب الضويري
تحت عنوان \\\\ عتاب

وقد عشت معها ساعات اعيد في كل مرة قرائتها بشكل خاص لشخص خاص وودت ان انقلها لكم




القصيدة
عتاب
صاحب الضويري
انه ذاك الباعك وما رد شراك *** وسلمك بيد الزمن واسننينه
انه عزرايين لو رادك لكاك *** ومنهو ضمن روحه اعله عزرايينه
انه كارط ملحتك عارف هواك *** انه عارف هرشك ابيا طينه
انه دمعي واللبن والليل ذاك *** تالي حسوة ماي ما تطينه
يوم جانت طافحه بميها سماك *** واحنه مات من العطش جالينه
يالشتلتك جابني الضيم الذراك *** لن شجركم ما يفي اعلينه
محنه زودك يا الف سوده بكراك *** يلحلال ابطنك السجينه
***
يا سواجينه السرت بارض خراب *** وايماي التيهت ادروبه
جالسنين اتلاهت بريع الشباب *** رمله والرمله فلا مرغوبه
يا زمان وطبع الك شبه الغراب *** وبالحياليه البسمه مصلوبه
واحنه وادم ما كللك اركاك *** لاجن الطيب اليغلب اعلينه
طير ولي ومن يخم جنحك سماك *** هم تطيح بكاعنه وجالينه
***
اي يمسعد تضحك ابكل السنون *** ومن زمان احنه الضحك ناسينه
ومن زمان امشجل وابره الضعون *** واليكع ماليه مهجه اتعينه
يا عيوني الما جرت مثلج اعيون *** ويا جفن يركه الدمع صوبينه
خاف غصن الشوك ينهيه الهلاك *** احنه منحر للهوه امخلينه
اذكر الله وحوبة الوادم وراك *** المحمي لا بد ما تزل جدمينه
***
شواشوفك ما تحن وانته الحنين *** يصير كلبك من صبخ حنيته
عمي بطل لا تسولف للسنين *** وانه حبل امواصلك جريته
يالتعمر البيت لا تبني عله لطين *** والتعمد ما يعمر بيته
ولا تدور الطيب واللايم جزاك *** ظل يدور طيبكم جاوينه
من اشتهيتك يوم ولساني لكاك *** بغير ملحه اورودكم للزينه
عاد باعاك ضامري وما رد شراك *** وسلمك ليد الزمن واسنينه

يسعدني ان اكون اول الارادين

سلمت الايادي
روعة

[الامير العراقي]

اي يمسعد تضحك ابكل السنون *** ومن زمان احنه الضحك ناسينه
ومن زمان امشجل وابره الضعون *** واليكع ماليه مهجه اتعينه
يا عيوني الما جرت مثلج اعيون *** ويا جفن يركه الدمع صوبينه
خاف غصن الشوك ينهيه الهلاك *** احنه منحر للهوه امخلينه
اذكر الله وحوبة الوادم وراك *** المحمي لا بد ما تزل جدمينه

عاشت الايادي اخي العزيز ابو الغيث على النقل
بارك الله فيك يا مبدع الفرات
تحياتي الك

[حيدر اللامي]

الله الله كلمات في غاية الروعة
مشكور اخي على النقل
تقبل تحياتي

[أنثى شرقية]

اي يمسعد تضحك ابكل السنون *** ومن زمان احنه الضحك ناسينه
ومن زمان امشجل وابره الضعون *** واليكع ماليه مهجه اتعينه
يا عيوني الما جرت مثلج اعيون *** ويا جفن يركه الدمع صوبينه
خاف غصن الشوك ينهيه الهلاك *** احنه منحر للهوه امخلينه
اذكر الله وحوبة الوادم وراك *** المحمي لا بد ما تزل جدمينه

عاشت ايدك لنقل قصيدة رائعه ومهمه تحمل في طياتها الكثير من المعاني
الف شكر الك اخوي الطيب
تحياتي

[سمير الكرماني]

السلام عليكم اخي الفاضل ابو الغيث المحترم
والله اخي هيجت المضاجع ولبينه يكفينه
تقبل تحياتي وتقديري الدائم

انه دمعي واللبن والليل ذاك *** تالي حسوة ماي ما تطينه
يوم جانت طافحه بميها سماك *** واحنه مات من العطش جالينه
يالشتلتك جابني الضيم الذراك *** لن شجركم ما يفي اعلينه
محنه زودك يا الف سوده بكراك *** يلحلال ابطنك السجينه

[عراقي هواي وميزة فينا الهوى]

مع تحياتي
اتقدم بالتحية والتقدير لكل من كتب حرف واحد في هذه القصيدة
وباسمكم واسمي اقدم الشكر والتحية للشاعر

صاحب القصيدة ونتمنى له التوفيق
تقبلوا تحياتي

ومن زمان امشجل وابره الضعون *** واليكع ماليه مهجه اتعينه

اي والله ياعزيزي كلمات تخترق القلب

سلمت يداك على الانتقاء الرائع

فعلا قصيده بكل معنى الكلمه

تقبل تحياتي