زنجيل ابوذيات

عـــمــــر وكــــت الكماري ماهوني
وهويـــت على النوايــــب ماهوني
ادور عــــالنـــــي لنــــــي ماهوني
لان كــلـــي بغـــيابــــك ضـــاع بيه
بـــــيــــه عــــليــــه كــلــي دوراني
وزمـــانـــــي بخــــيل غدره دوراني
مــــثـــل مــــاي عــــالرمله دوراني
ومنـــي ريــــد الـــمني من الوطيه
عالروحي شلون كلي امدر والمهه
وضعت مابيـــن جــــرح الهه والمهه
مثــــل حـــال اليتميه تحن والمهه
يهـــــزه الشوك روحي بكل مسيه
يهـــزه الشــــوك لجـــلك وانتخلهه
وخطيه اخــــتل عقلـــهه وانتخلهه
عالياهــــي تعوف روحي وانتخلهه
جنت تـــدري شيصير جنـــون بيـه
جنت تدري شيصير جــــنون بعداك
اعدك ونتشتي مــــن اطريك بعداك
تــــذكــــر مــــن كلبت الكون بعداك
وانـــــته اكــــــبالهـــــم وطيت بيـه
بيـــــه اطيـــــت مــحــــــد حتمالك
تكلي وذنـــــب اكــــولــــن حتمالك
شعذرك وانــــه اشوفــــــن حتمالك
نفــــــض حزنـــه بفرح هجرك عليه
علي هجـــرك سبب روحي تلفهه
ولــــونهه جـــــروح جا تللف تلفهه
لاكــــــن عنــــك اشمــــعنه تلفهه
خاف انته ويه روحي تضـــل سويه
سويـــه ويلــــتم بشوكك شملهه
لذالــــك بــــالامـــر هجرك شملهه
قصده بهاي امـــل روحي شملهه
واذا روحي انته يعـــني تكون هيه
هيــــه تكــــون يعني انتـــه مثلهه
وقياسن بــــالعشك صايــــر مثلهه
تضــــرب بيك مــن تحجـــي مثلهه
لان كلـــهه بهــــواك تكــــون ريـــه
ريه تكــون وانـــته الــــــي نفسهه
وعليك اجم شخص حاقد نفسهه
لان انـــــته بشكل روحي نفسهه
وهيـــــه تكون انـــته وانـــــته هيه


وهايهيه تحياتي


م ن ق و ل ه

[مريم جبران عودة]

سويـــه ويلــــتم بشوكك شملهه
لذالــــك بــــالامـــر هجرك شملهه
قصده بهاي امـــل روحي شملهه
واذا روحي انته يعـــني تكون هيه


ابوذيات جميلة

شكرا لكم على طرحها

مشكوره مرورج اختي
واتمني وجودج دائما بصفحتي يا الغاليه

[سلام الدراجي]

زنجيل رائع اتمنى منكي المزيد من الشاعريه الرائعه تقبلي مروري ولكن اذا كان الزنجيل منقول رجاءا اكتبي منقول تحته للامانه الادبيه وشكرا لكي اختي الغاليه

اخوي سلام اشكر مرورك يا اخوي
واشكرك علي التنبيه فعلا الزنجيل منقول واسمحلي
لاني اول مره اشارك في منتدي واطرح مواضيع
استحملوني شوي يا اخواني وانشالله
انتبه مره ثانيه
اختك
انا والدنيا بينا عداوه

[نسيت انساك]

الله الله زنجيل رائع واختيار اروع تسلم الايادي
تقبلي مروري

[y_n_d69]

عـــمــــر وكــــت الكماري ماهوني
وهويـــت على النوايــــب ماهوني
ادور عــــالنـــــي لنــــــي ماهوني
لان كــلـــي بغـــيابــــك ضـــاع بيه

ومشكورة اختي العزيزة علي الابوذيات الروعه في غايه اجمال وتقبلي مروري ومشكورة على جهودج
في منتدى اخوج:ابو سمره