(ومضة شعرية)سره المظعون بيهم ويَّ الأذان

[أنثى شرقية]

سره المظعون بيهم ويَّ الأذان
تبعت الظعن بس ما لحكت بيه
رديت ابحزن وبحيل خلصان
وهموم الدليل امكوره إعليه
أشوف الدار ظلمه ابطرك حيطان
ويتراوالي رسمه اوكمت أحاجيه
كتله أمودع الله أوياك يفلان
وشوف المدمع كام أيزيد جاريه
أهيد بالكلب ودريبه ولهان
هضيمه اينكرك الطير التربيه
لجن مكتوب أعيش العمر حيران
غم العمر كون أبضيم تاليه





الشاعر حسن شريف الغزي

[سلام الدراجي]

ابنتي احلام شكرا لنقلك هذه (الومضه) انا اعتقد الومضه ومن خلال الامسيات الشعريه التي نقوم بها اسبوعيا تتكون اكثر شي من ثلاث ابيات ويكون فيها عنصر المفاجئه اما ما نقلتيه لنا اعتقد يكون مشروع قصيده شكرا لكي للنقل الرائع واتمنى لكي كل الخير والموفقيه

[الشايب العراقي]

أشوف الدار ظلمه ابطرك حيطان
ويتراوالي رسمه اوكمت أحاجيه
كتله أمودع الله أوياك يفلان
وشوف المدمع كام أيزيد جاريه


موفقة اختي

[أنثى شرقية]

سعيده بكل من مرمن هنا وشرفني ونورني بمروره العطر
دوم تواصلكم الرائع

ربي يوفقكم
ومايحرمني منكم جميعااا
تحياتي الكم

شايبنا العزيز


وابوي سلام الدراجي
مشكور لملاحظتك الي اعتز بيها
وانا نقلت كما رات عيناي ومكتوب ومضه شعريه يعني ابوي انته اعرف مني باقسام الشعر
وجزيل الشكر لملاحظتك القيمه والرائعه ممنونه منك
تحياتي الك