رافكني الحزن من صرت لليوم

[أنثى شرقية]

رافكني الحزن من صرت لليوم


ودمعتي بعيني حتى بلذه النوم .
يمرمره الحزن يالناس ويروح
وانا بعكس الخلك بس حزني للدوم.
واذا مرني الفرح مرالي خطار
يروح بساع وتظل عندي الهموم .
كضيت العمر مرمره الروح
وعلي يفتر غراب البين ويحوم .
تذب العين دمع البيهه وتهيد
لجن حزني يرد ويلم الغيوم .
كلت هلبت تدور بيوم الايام
وافرح مثل غيري واضحك بيوم.
وكلت هلبت اذبن ثوب الاحزان
وانام الليل ماعدن بالنجوم .
لجن هلباتي طلعن مالهن راي
ولزوم ارضى بنصيب الالي مقسوم .
ماريد اسولف همي للناس
ولاريد الجرح كل ساعه ملجوم .
لجن بعض المصايب ثكل الاجبال
ومن ثكل المصايب ظهري مكسوم .
بس انته البعتلك سر الشالته الروح
وفضحتلك سر البلكلب مضموم .
ولارخص دمعتي وعزه الروح
واخلي الشماته اتطش العلوم .
ولاصيحن يوادم عدكم دخيل
ولاخلي الصديج الجاذب يلوم .
اظل لاخر محطه بعمري خيال
واكابر عالجرح لو جان مسموم .
واكول الحمد لله بثوب الاحزان
جي لايك علي من دون الهدوم



منقوول

[سلام الدراجي]

كلت هلبت تدور بيوم الايام
وافرح مثل غيري واضحك بيوم.

اللهم يجعل الابتسامه دائما على وجهك ابنتي احلام قصيده رائعه ومتميزه

[الشاعر ماجد الدعمي]

يعرفنه الحزن عرفة معاميل
ويدك كل ساع بيبان الاحزان
نتحمل بعد وكل فرح منريد
وعمر وشو كضيته شلون ماجان
شكرا لروعة الكلمات والاختيار وابعد الله
عنك الاحزان ابنتي احلاام

[الوردة الجورية]

كلمات غاية في الروعة أختي تقبلي مروري مع أرق التحايا وأعطرها

[أنثى شرقية]

كل الهله بيكم منورين ومشرفيني وممنونه منكم لتواصلكم الدائم
سلام الدراجي طيب القلب
وابوي الغالي والطيب ماجد الشاعر
وغاليتي الورده الجويه

لكم مني اجمل باقات الورود

[الغربه]

جميييل يالغااااليه واختيار موفق
وابعد الله عنك كل هم وحزن

[بنت البصرة الفيحاء]

بس انته البعتلك سر الشالته الروح
وفضحتلك سر البلكلب مضموم .
ولارخص دمعتي وعزه الروح
واخلي الشماته اتطش العلوم
تحياتي الج يالغالية على هذا الاختيار المميز لاحرمنا الله منك وننتظر منك الاكثر والاروع
اختك بنت البصرة

[أنثى شرقية]

كل الهله بيكم منورين ومشرفيني وممنونه منكم لتواصلكم الدائم

بنت البصره
وسفانه
تحياتي الكم