صعبه تنام ليلك وانت مظلوم

[أنثى شرقية]

صعبه تنام ليلك وانت مظلوم
وصعبه هدوم حزنك فوكك تبيد
وصعبه تمر عليك ايام رمضان
وعيونك تباري وما يجي العيد
وصعبه ويالتحبهم روحك تصير
مثل عصفور وبحلك المصاييد
وصعب كلش صعب لمن تحس يوم
انت ويالحزن نفس المواليد
وصعبه مرايتك لوحاجتك هاك
اخذ وجهك ملت وجهي التجاعيد
ويمردن بالكلب لو خيمن بيه
همومك من تجيك بلا مواعيد
واذا ناس التحبهم عالمحطات
يفر بيهم زمانك وين ميريد
تحس الشيب خضر جوه الظلوع
وتحس نور الامل بدروبك ابعيد
جلد كلب الوكت ما يرحم انسان
رسم جفه على خدود المكاريد
صعبه تمد اديك لعونة الناس
وبكلبك شهامه وتكصر الايد
وصعبه تشوف ناسك لاحهه العوز
وهظيمه مركعه هدوم الاجاويد
وتحس نفسك صفر من تلكه شبان
يبيع العوز بيهم عالتجانيد

بقلم
محمد عبود العبودي

[سلام الدراجي]

احلام احتاريت يابيت اقتبس من القصيده الرائعه شكرا لذوقج الجميل ويشكر الشاعر العبودي

[الشاعر ماجد الدعمي]

صدك صعبه
عاشت ايدك حلومه الغاليه
وشكرا لتواصلك الرائع
واختياراتك الاكثر روعه
تحيااتي لك ودمتي بحفظه

[ام فيصل]

تحس الشيب خضر جوه الظلوع
وتحس نور الامل بدروبك ابعيد
جلد كلب الوكت ما يرحم انسان
رسم جفه على خدود المكاريد
صعبه تمد اديك لعونة الناس
وبكلبك شهامه وتكصر الايد
وصعبه تشوف ناسك لاحهه العوز
وهظيمه مركعه هدوم الاجاويد
وتحس نفسك صفر من تلكه شبان
يبيع العوز بيهم عالتجانيد


احسنتي يااحلام
اختيار جدا رائع
وكلمات اشجتني
لاحرمنا هذا التذوق في الإختيار
وسلم لنا هذا المداد

مع ودي

[أنثى شرقية]

اسعدني مروركم
وتواصلكم الرائع
والمميز لكم مني
اجمل باقات الورد
لكل من مر من هنا وشرفني ونورني والله

تحياتي لكم جميعااا

ابوي الغالي والعزيز عليه بابا ماجد
امي الغاليه ام فيصل
وابوي وعمي سلام الدراجي
عسى الله مايحرمني منكم
ربي يوفقكم

[محمد عبود العبودي]

احلام في الانتظار
شكرا لنقل القصيده
وشكرا لامانتك الادبيه
سرني جدا ان تكون القصيده قد اعجبتك
تحياتي وودي

[أنثى شرقية]

تسلم لمرورك الرائع وتواصلك
ربي يحفظك
تحياتي