ابو ذيات الى شاعر الشطره الكبير حسين صالح

[أنثى شرقية]

مو معدن ذهب معدنك صفرين
وهذني رسوم وجهي اعليك صفرين
انت واحد وانا مو صفر صفرين
عد يمناك حطني تصير مية
*******************
بعسر غيري النوايب فاتحتمن
وسهم غدرك بكلبي فاتحتمن
اكتلتني وجاي تنشد فاتحتمن
ولاجنك رحت جناز بية
***********
يجفي بالوفر حليت شصك
ولاشكك لهات البين شصك
سرداب الجرح شتروف شصك
وجنازة الملح مدفون بية
**************
يدهري شبيك تركص ركص شدج
علروحي بيوم كلت انكع شدج
صرت منخل من الطعنات شدج
واغربل بس خناجر تدر يبية
***********
اعذرة الكلب لو يزهك وحكلاه
حكلة اهمومكم فوكة وحكلاه
انا ادري لو طحت يمكم وحكلاه
اله الاهو تكطعون بية
*********
*رخة جسمي علمودك مرخصتك
واسومن بيك غالي مرخصتك
دست فوكي دكلي مرخصتك
حتى براحتك تسحك علية
**********
جرحك لابره ولا دار>>>>>>حوله
بدليلي ومن نصبت الشرك>>>حوله
الدهر ينظر عليه بعين>>>>>حوله
سلب روحي وطلع مشتبه بيه
***********
هنا يلي تبج روحي حلبجه
مدامع علمشو عني حلبجه
عكال الهور من ضربو حلبجه
هوه وخرطت خدهه الناصريه

** منقــــــــــــــــــول**

[ام فيصل]

بعسر غيري النوايب فاتحتمن
وسهم غدرك بكلبي فاتحتمن
اكتلتني وجاي تنشد فاتحتمن
ولاجنك رحت جناز بية

احسنتي عزيزتي
على هذا الإختيار والنقل المميز
جزيل الشكر لك وللشاعر اشطراوي حسن صالح
دام لنا هذا التميز
مع ودي غاليتي

[سلام الدراجي]

ابنتي احلام رائع ما تنقلين لنا من ابوذيات عاشت لايدك وايد كاتبها تشكرين

[أنثى شرقية]

غاليتي وامي العزيزه سعيده بمرورك المميز ربي ينطيك الصحه والعافيه
ابوي الطيب سلام الدراجي سعيده جداا بتواصلك الدائم ربي يوفقك

[ملك الرومانسيه]

هنا يلي تبج روحي حلبجه
مدامع علمشو عني حلبجه
عكال الهور من ضربو حلبجه
هوه وخرطت خدهه الناصريه

مشكور اختي العزيزه على هذه الابوذيات الرائعه بس احلى شيء هذا البيت
ولكن كلمات رائعه جداا ومشكور على المجهود الرائع

[أنثى شرقية]

مشكوراخوي الطيب لمرورك الرائع
تحياتي

[y_n_d69]

ابوذيات في غاية روعة واحساس جميل جدا وبالتوفيــــــــق انشاء الله
اخوكم: ابو سمرة

[أنثى شرقية]

سعيده بكل من مرمن هنا وشرفني ونورني بمروره العطر
دوم تواصلكم الرائع

ربي يوفقكم
ومايحرمني منكم جميعااا
تحياتي الكم