ياجفن النواطر اشبع احزان

[ام علاوي]

السلام عليكم ورحمة الله وبركاته

بل.. ريجك يا جفن من دمع العيون
والبس كحل اسود وابجي كل يوم

وما اريدك تنام ابليلك الجال
ضل سهران ليلك ويه الهموم

يا جفن النواظر .. دشبع احزان
وافطر على احزانك لمّن اتصوم

ما اريدك تعيد صبحة العيد
ولا اريدك تغير سود الهدوم

ابقى ابحال مزري ايشل الاحوال
ضل كَاعد بعد ما لازم اتكَوم

ولاترمش بعد واتجرّح العين
اخاف اتسيل منك حمر الدموم

بطل من ونينك سلّت الروح
ناح الكَمر لجلك ويه النجوم

طكَ بركان ساكن من الدموع
حمم نزلت على الوجنات هليوم

طير ابناظرك واتعله بسماك
وخل نظرات عينك فوكَنه اتحوم

ازرع بلوجّن .. نوحك .. بواجيك
واسكَيهن دمع من زخ الغيوم

ولا تنسه بعد ما راح اوصيك
بلدنيا ابد ... ما واحد ايدوم


منقوووووووووووووووووول
تحيااااااااااااااااتي

[أسامه الشاعر]

الله عليج ام علي للاختيار الرائع

[مريم جبران عودة]

ولا تنسه بعد ما راح اوصيك
بلدنيا ابد ... ما واحد ايدوم


\
\
\


كل الابيات كانت رائعة في معانيها

وهذا اروعها


ام علاوي

نقلك يحاكي الوجدان

وجداننا


تحية لك غاليتي

[سلام الدراجي]

اي والله وصح السانج بهلدنيا ابد ما واحد ايدوم قصيده رائعه وشكرا على النقل المميز دمت بخير اختا ام علاوي

[رنا العراقية]

ولا تنسه بعد ما راح اوصيك
بلدنيا ابد ... ما واحد ايدوم



مشكورة على النقل الجميل


تحياتي

[الوردة الجورية]

شكرااااااااااا يا أم علاوي الرائعة على هذه الكلمات الرائعة والراقية تقبلي مروري مع أطيب التحايا

[ام علاوي]

الروعه هي مرورك اخي اسامه نورتني

تحياتي

[ام علاوي]

عزيزتي مريم...
وما الاشعار الا مواساة لواقعنا المرير

نورتيني حبيبتي
قبلاتي