مـــانــــادم عــلــيــك ##

[بلسم الروح]

مـــانــــادم عــلــيــك

من ياهي اعذرك .. وانت مامعذور
سيفك هد عليَّ بساعة الشده
حسبتك تحبني .. وجبت بيدي الروح
بعدها ابنص اديه .. وگمت تتعده
ردت مره اجربك ؟؟ وانتخيك ابيوم
على گلبي انتخيتك .. بلكن اترده
وكح ، گتلك وكح ، ويريد احب بذات
شجعته عليَّ وتوگف ابسده
مرات التحبه .. اتشوف منه اشكال
وتخلقله الاعذار .. اتگول مو قصده
وتصد كل الحچي ، والنصح من الناس
وتتحمل اذنوبه .. وكل خطأ عنده
بس ايفاجئك .. يلبس جلد ثعبان
ومفصل عليه وجايبه ابگده
ما نادم عليك .. الراح خلي ايروح
ولك صارت قديمة الماي وتبده
بس نادم عليَّ اشلون اصدگ بيك
ونادم ما أخذت العبره من وحده
وهن اهواي صارن .. ماتبت عالصار ؟؟؟
ياگلبي اشيتوبك .. كافي واتهده
غيمه من الدمع يزرعها وسط العين
وانت ورود حمره وتزرع ابخده

منقول

[سلام الدراجي]

ما نادم عليك .. الراح خلي ايروح
ولك صارت قديمة الماي وتبده
بس نادم عليَّ اشلون اصدگ بيك
ونادم ما أخذت العبره من وحده
وهن اهواي صارن .. ماتبت عالصار ؟؟؟

اي والله وصح السانج عزيزتي بلسم صارت قديمه الماي وتبده عاشت ايدك اختي وتقبلي مروري مع ارق التمنيات والتحايا

[ملك الرومانسيه]

قصيده في غاية الروعه والجمال وبارك الله فيكِ على نقل هذه القصيده
وهذا يدل على ذوقكِ االرائع

[أسامه الشاعر]

اختيار جميل لقصيده جدا رائعه
دمتي بلسم مع تقديري

[رنا العراقية]

من ياهي اعذرك .. وانت مامعذور
سيفك هد عليَّ بساعة الشده
حسبتك تحبني .. وجبت بيدي الروح
بعدها ابنص اديه .. وگمت تتعده


تحياتي لكي على الذوق الرفيع



مشكورة