أبو ذيات روووعة لعيونكم

[عاشق عيونك]

افكس عين من صدلك من شفاك
وصحت انه الدوه العلتك منه شفاك
يريت اشرب عسل صافي من اشفاك
لحد ماكول بس وهاي هيه


أنا أديت العلي بس انت شأديت
وعلية حروب وي دنياي شديت
طحت إكبال عينك وصلة شديت
وهجع وسفة كمت تركص علية00


امانه اسراري يمكم ... ودعتها
وفرحتي بيوم شلتوا ... ودعتها
روحي الما تجيــكم ... ودعتها
وسحل يمكم اجيبنها بدية


يهل ناديت بسم اهواي عيدة
ويهل ماخذ دليلي وياك عيدة
الكلب مو بس بعد رمضان عيدة
عندي العيد من نكعد سوية

تذم بية وتكول اترك ولك حل
والك واهس علي تقسي والك حيل
كتلك من دست جرحي ولك حيل
لكن بالهجر تجني علية..


الكمر دنك يحب ايدك ولك مال
ودليلي مزاعل الدنيا ولك مال
امتحنت ومطلعت راسب ولا كمال
شاطر بالوفه وخذت ميه


عيوني من الدمع لجن وغارن
وعلى حيل الهجر هدن وغارن
اموتن من تحب غيري وغارن
اريدك بس تحبني وهاي هيه


فـتـح قـهـره الزمـان وسـكـرانـي
بـحـزن شـربـنـي دمـعـي وسـكـرانـي
صـايـر ضـغـط بـيـه وسـكر انـي
اجـت كـلـه بـسـبـب بـعـدك عـلـيـه


يروح الروح للمحبوب شهدي
انا النحلة النحيلة وخلص شهدي
حرت للغالي غير الورد شهدي
الورد بس للورد يصلح هدية



مرمرني هواك وهمت بالهم
وعلى فراكك كضيت العمر بالهم
طفل ولبست تاج الشيب بالهم
وصرت عجبه المثل ينضرب بيه


يعلمني زماني دروس وانسه
وراح الچان الي بدنياي ونسه
تگلي اترك هوانه دوم وانسه
شلون انساك وانته الزاد اليه


بعتني و اني احبك و انت شاري
حبيبي انت شهرتي و انتشاري
على يا قبله ذبحتني و انت شاري
و حتى بسم الله ما سمه عليه

[twfeek]

والله وعاشت الايادي غاية في الجمال غاية في الرقة والاحساس اختيار جدا حلو ياحلو
تقبل مروري



توفيــــــــــــــق

[عاشق عيونك]

شكرا الك نوفيق لمرورك الرائع يالغالي


تحياتي

[سلام الدراجي]

سيدي العاشق عاشت ايدك ياورده ايوذيات روعه كروعتك بوركت

[نسيت انساك]

والله مبدع تسلم ايدك تقبل مروري

[عاشق عيونك]

الدراجي الغالي انتة الاروع
شكرا ع المرور الرائع


تحياتي

[عاشق عيونك]

الغالي غيث تسلم عمري
شكرا ع المرور


تحياتي

[حيدر القريشي]

عيوني من الدمع لجن وغارن
وعلى حيل الهجر هدن وغارن
اموتن من تحب غيري وغارن
اريدك بس تحبني وهاي هيه


روعه يا رائع
باقه مميزة ورائعه من الابوذيات
تقبل مروري المتواضع اخويه العزيز
مع تحياتي الك