مريم حياتي

[الكناري يونس الجبوري]

بسم الله الرحمن الرحيم
السلام عليكم ورحمة الله وبركاته
احبتي في هذه المشاركه ادخلت اللهجة العراقيه للقصيده النبطيه وقلبت القوافي وانتقلت للون اخر من الشعر الشعبي اتمنى ان تنال رضاكم
مع التقدير

اللام خلوها باللغه للتعاريــف
واللام في مريـم الا ليت يآآآتي


مريم حياتي حيّرت كل تواصيف
مريم غلاي وفوك ماهي غناتي


مريم اغات البيض وبدون تزييف
ولو يزعلن ما همني هي اغاتي


مريم بنت عمي وانا لي تشريف
اني احبها وإن تحبني مناتــي


حبيت مريم زينة البيض بالريف
خصره نحيل خدودها ناعسـاتي


ام الحواجب كنهن هيئة السيف
ذات الجبال بصدرها شـامخاتي




************
هنا قلبت القوافي


من اجل مريم انشف بيدي دمعاتي
واجيتج عمري متأخر الف ياحيف


والاكيج بوله اخفي ابتســاماتي
معزبه ومستحي منج انا كالضيف


انا دوله وعلم وانتي حضـارتـي
يانسمه وداعبت ضامي بعزالصيف


يا اجمل عشك دونك بشــاراتـي
احبج ثم احبج وانتي اجمل طيـف


واريدج تتبعيني بـكل مســاراتي
واريدج تعلنيها بدون اي تحريـف


واذا نشدوج عني كم غلاآتـــي
كولي ما أحبه بنوب للتلطيـــف

*********
وهنا خرجت عن القافيه


مريم آآآآآآآآآآآآآه يامريم

انتي الجرح والبلسم

وانتي الورد باغصانه وانتي في محبتي اعلم

وصدكي ما يهزني الريح وانتي وياي ما اهتم

يغنوه احتار سامعها

يصيده وفي مرابعها

وتكول للعاذلي تشكم

اجيت اليوم متعني

وابد ماخاب بج ظني

وقوافي الشعر لاوني وجبتهن للجرح مرهم

عسرت القافيه بيدي

ولاجلج شعر تجريدي

اعرفج انتي شتريدي

تريدي بدون تقييد القوافي تصيح خال وعم

مريم آآآآآآآآآآآآه يا مريم


http://www.aljbor.net/articles.php?action=show&id=64

الكناري
يونس الجبوري

[سلام الدراجي]

رااااااااااااااائع عمي على راسي
وراح ابطل ما اكتب شعر تحياتي الك وين انت موجود بارك الله بيك

[امير الاحزان:]

حبيت مريم زينة البيض بالريف
خصره نحيل خدودها ناعسـاتي..
..........................................
عمي اشأكلك؟؟ مبدع؟؟؟؟؟
قليل والله بحقك الابداع يا قاتي
رائع انت واكثر من الروعة والتشريف
وبيك تتمازج كل المعاني والصفاتي
وبالعشرةه ابصم شاعر انت من دون تحريف
....................................
الك خالص مودتي لهذه الزغرده اللطيفه يا كناري

[حيدر القريشي]

ابداع + ابداع = تألق
كتبت فابدعت
ووصفت فتألقت
كان لي شرف مروري على كلماتكم الرائعه
تقبل تحياتي وتقديري
مع اطيب الامنيات

[الكناري يونس الجبوري]

رااااااااااااااائع عمي على راسي
وراح ابطل ما اكتب شعر تحياتي الك وين انت موجود بارك الله بيك

سلام الدراجي

قطره ابحر شعرك ابد ما ننحسب بالمره
الدراجي والله يااخي مدوختني السمره

ومرات هالاكتب شعر اشكيلها احوالي
وكلما احضر قافيه تضيع مني الفكره

ربك جمع بيها الحسن من كربلا والموصل
ومن دهوك واطراف النجف والمنتفج والبصره

وتاهت عليه حسبتي بالمنتدى والياهو
وحتى لاهلها يا بطل آني بصمت بالعشره

ولسبايسي شعري وصل وامتلت منه الشاشات
امن تكللي كنوري انتعش وتفيض بيه العبره

حقه اثاري عنتره من جان يبجي لعبله
جنت آني الومه من قبل ليما اجت هالحره

ولما كنت خالي الفكر اضرب عشاي واهجد
وهسه اواصل ليلتي ويه النهار بحسره

شتشوف شتدبر عليّ ياخوي بس ساعدني
اتركها لو اظل بقهر لو اخون ذيج العشره

لولا اكسر الحاسبه ومنتدياتي اهجرها
لو امشي واترك هالبلد واضيع وحدي بره

والله حيره يالربع مدري شسوي وارتاح
مكدر اضم سري بعد رايح اكسر الجرّه

قطره ابحر شعرك ابد ما ننحسب بالمره
الدراجي والله يااخي مدوختني السمره

هههههههههه اخذني الواهس بالرد وصارت قصيده

شكرا اخي الكريم على مرورك الرائع

طال عمرك

[الكناري يونس الجبوري]

حبيت مريم زينة البيض بالريف
خصره نحيل خدودها ناعسـاتي..
..........................................
عمي اشأكلك؟؟ مبدع؟؟؟؟؟
قليل والله بحقك الابداع يا قاتي
رائع انت واكثر من الروعة والتشريف
وبيك تتمازج كل المعاني والصفاتي
وبالعشرةه ابصم شاعر انت من دون تحريف
....................................
الك خالص مودتي لهذه الزغرده اللطيفه يا كناري

الله يبارك فيك اخي الكريم على هالمرور الاكثر من متميز
طال عمرك
ارق التحايا لشخصك الكريم

[الكناري يونس الجبوري]

ابداع + ابداع = تألق
كتبت فابدعت
ووصفت فتألقت
كان لي شرف مروري على كلماتكم الرائعه
تقبل تحياتي وتقديري
مع اطيب الامنيات

الشرف كل الشرف لي ان تتفضلون بالمرور
على متصفحي المتواضع هنا
شاكرا لك ياسيدي سائلا الباري ان يحفظكم ذخرا لنا
طال عمرك
ارق واعذب تحيه لك سيدي