يالطبعك ثلج لاتبلش ويه النار

[ام علاوي]

يا لطبعك ثلج لا تبلش اوية النار

تموع بكل خجل لو لامست حرهه

ويا لكلك جرح لتدور اللجمات

اذا روحي ازعلت شيكض خناجرهه

ولتلوم الشمس من تشك صدر الغيم

لو انته الغيوم المحفظت سرهه

ولتدلي عالبير وانته ( يوسف ) لاخ

لأن ( صحراء ) روحك محد يمرهه

ولتعاند الريح وانته بيهه شراع

غصبن عالشراع يطيع اوامرهه

ولتكلي دك بابي وانته بابك جام

من حجار جفي وخاف اكسرهه

سامحتك هواي وكومة الك عديت

وعلى روحك خفت .. ينكسر خاطرهه

بس انته ويه انته الما رحمت الحال

وكلما تكوم ( انته ) ترد تعثرهه

فراكك ما يهمني شما عليه يطول

انه رويحتي اعله الفركة ناذرهه

ومتهمني الدموع التجري من عيناك

ذنوبك يا دمع بالكون يغفرهه

بعتني بكل بساطة وكل صلافة عين

وصوجك .. ما حسبت شلون اخرهه

شسويلك بعد وانه شبدية اعليك

تضيع رويحتك وتكلي دورهه

جنت وياك شجرة وأدري روحك فاس

موش انه الغشيم ارجع و اعاشرهه

صمت عنك بعد ما ارجع افطر بيك

وصام بروحي عنك حتى كافرهه

منقووووووووول
تحياااااااااااتي

[سلام الدراجي]

الله الله ياام علاوي ما هذا الاختيار الرائع لهذه القصيده الاكثر من رائعه بارك الله بيج اختاه ودمتي بحفظ الرحمن

[الشاعر ماجد الدعمي]

جميله هي اختياراتك ام علاوي
وشكرا لجهودك المميزه وتواصلك الدائم

[الوردة الجورية]

شكرا يا أم علاوي المبدعة على الكلمات الراقية مثلك ياراقيةتقبلي مروري المتواضع مع اجمل التحايا واطيبها

[ام علاوي]

يسلملي مروركم نورتوني ونورتو صفحتي
الله ليحرمني من هالطله
تحياتي

[ملك الرومانسيه]

مشكور ام علاوي و بارك الله فيكي على هذا المجهود الرائع

[ام علاوي]

الروعه هي مرورك عزيزي ملك
نورتني كالعاده
تسلملي هالطله ياطيب
تحياتي