بسم الله الرحمن الرحيم

اهداء الى كل اعضاء منتدى الفرات

اجمل الابوذيات العراقيه

مع تحياتي انا

اســـــير الرووووح

ان شاء الله تعجبكم الابوذيات

~~~~~~~~~~~~~~~~~~~~~~~~~
خله
زمانك لو زعل وياك خله
اسكت لا تبين بيك خله
ومو سهله الخليل يعوف خله
بس صعبه الكرامه تموت بيه


~~~~~~~~~~~~~~
من اذبهن
انا اجروحي عرايش من اذبهن
وغدت حمرة حلكهن من اذبهن
انه من ازمخ عليهن من اذبهن
ازخ زهكان ويضحكن عليه


~~~~~~~~~~~~~~~
ودگه
حلوه الشامه البخدك ودگه
ودگ وياي گده بأثر دگه
بعد ما اوصل البابك وادگه
لان باب حطب واشتعل بيه


~~~~~~~~~~~~~~~
اهداء خاص

نصبهه
الابوذيه صبابه بس الك وحدك نصبهه
ومحاسينك عسل عل المر نصبهه
الگلب چم سيطره بروحي نصبهه
غيرك ما يمر لو مو هويه


~~~~~~~~~~~~~~~~

وانته راوي
اراوي جروح گلبي وانته راوي
وروايه شوگ روحي وانته راوي
عشك الناس شحت وانته راوي
ودمعك طاح من عينك عليه


~~~~~~~~~~~~~~~
من تردلي
نذر لذبح سنيني من تردلي
واشيل احذاك احطن من تردلي
انه اتخربط واتيه من تردلي
تردلي اقبال واني اكتب صفيه


~~~~~~~~~~~~~~~~~

وعلمنك
دريتك به تغدر وعلمنك
وصيتي تفوق صيتك وعلمنك
يصير خير باچر واعلمنك
واصفالك وارد احگوگ اليه


~~~~~~~~~~~~~~~~~~
ماي لوحك

اللواح الناس سبطت ماي لوحك
ونشف بول هبوبي ماي لوحك
تدري ليش سهمي ما يلوحك
صغيروما تشوفك عين اديه


~~~~~~~~~~~~~~~~~

منتظركم
وحق حجه الهك منتضركم
روحي بنار احطهه منتضركم
صارررر شگد اتاني منتضركم
سبع ساعات ما فكرتو بيه

~~~~~~~~~~~~~~~~~

صفكتلك

تخربط غزل خوتك صفكتلك
بوجه الكون كتلك صف كتلك
حبل خوتك جتفني وصفكتلك
اضلوعي الصفكن لا مو اديه

~~~~~~~~~~~~~~~~~~

مع تحياتي واشواقي الى كل اعضاء المنتدى

وارجوا ان نالت الابوذيات اعجابكم

,’,’,’,’,’ وشكرا لكم ,’,’,’,’,’,’


~_~ أحــمــــــد الزبيدي ~_~