اسمعني...............

[ام علاوي]

ارد اكتب قصيدة وكون تسمعها
وشوف اشگد عشگ شايل بمطلعها

القصيدة بس الك.. واخفيها عن الناس
بس يمك اجي.. ويمك اطلعها

اسولف بيها كلشي وما اضم اعليك
وعلى اجفوف القوافي اسراري اوزعها

گلبي اسرار بيه محجبة امن اسنين
لاذب احجابها بحضنك وافرعها

القريحة تحركت بي واجاني الهام
وما اعرف الفكرة منين منبعها

ارصعك بالغزل كل ضني هذا الچان
القصيدة انوب رادت بيك راصعها

منجم شاعرية وكلها طمعت بيك
وشكو كلمة غزل حسنك مصنعها

مو صدفة العرب كتبت سبع لواحات
وردت بلثلاثة انوب تتبعها

السبعه العلگوهن عالجدار هناك
ملهمهن چنت جنت انت مرجعها

وانه اليوم اجيت وحاير ابدي منين
روحي ال.هوس حبك گلبي يدفعها

دفنت نوحها روحي وتعنت ليك
يبو چفوف الحرير ارحم بمدمعها

جوعانه اشكر للعشگ صار هواي
بلذة شوگ روحك روحي اشبعها

گطرة مطر طاحت روحي وانت الگاع
ترجع للغيوم اشلون تقنعها

يالفكيت بابك لا تسد الباب
وعلي لو مو قفل رزاتك اشلعها

ماخسران كلشي اتصير لو متصير
روحي بنار حبك عيشة مصرعها

يالطبعك نحل لو عسل لو لدغات
ياهي التصح منك ما نرجعها

روحي معلعلة وما صدگت تلكاك
صدگ حتى اذيتك يعني تنفعها

نور النور نورك شاشعل الملگاك
روحي اتحيرة يا حجة تصنعها

اعلگلك شمع عشرة اشتضن تفيد
اخلي اضلوعي مشعولة اوية اصابعها

ومثل شعرة اصبحت واثنينة مجانين
ما تگطعها بيد انه اگطعها

لاتطلب طلب بس گلي اتمنيت
ولك.. انه. بخدمتك عيني اشلعها

وما ازعلك ابد ولو بالشقة اتشاقيت
مثل بايد الخيط الدنية اگطعها

وقبل لتمر عليه بشهر كون تكول
حتى الگاع مدري الگاع شزرعها
منقووووووووول للامانه
تحيااااااااااااتي

[شاعر غرام]

قصيده رائعه يا أم علاوي
دمتي بهذا العطاء
تقبلي تحياتي
الخالدي

[عراقيه غيوره]

الله الله على هذا الكلام المعبر
والقصيده الجميله

تحياتي لكي يا ام علاوي الغاليه

گلبي اسرار بيه محجبة امن اسنين
لاذب احجابها بحضنك وافرعها


اجمل قصيده قرأتها بحياتي

والله وصح لسانك يا ام علاوي

على هذا الانتقاء المميز

دمتي بهذا العطاء

تقبلي مروري

[ام علاوي]

تسلملي طلتكم ياورورد ربي ماانحرم منها ولا من ردودكم المميزه
تحيااااااااااااااااااتي
ام علاوي

[ام علاوي]

ابو ليلى يسعدني ويفرحني بأن ذوقي اعجبك
فهذا بحد ذاته وسام اعلقه على صدري
دمت لي اخي ودام مداد قلمك الر ائع
لك مني الاف الورود
تحياااااااااااااتي
ام علاوي

[حيدر القريشي]

گطرة مطر طاحت روحي وانت الگاع
ترجع للغيوم اشلون تقنعها


روعه بكل معنى الكلمه من معاني
سلم لنا هذا الاختيار الاكثر من جميل
ودان لنا هذا الفيض الوارف
تقبلي مروري المتواضع
ولكِ مني ارق التحايا

[ام علاوي]

يالفكيت بابك لا تسد الباب
وعلي لو مو قفل رزاتك اشلعها

تسلملي هالطله حيدوري الاروع هو مرورك الدائم
ربي ميحرمني منك ولا من نزف قلمك الرائع
تحياااااااااااااااتي الاخويه ياورده
ام علاوي