دارميات صااكه كرار المعذب

اسكي الحجر بالماي والخلك تنظر


كالو يمر اهواك لمن يخظر

@@@


ورقه اصبحت هالروح وبوسط جنطه


فوك القهر والضيم بيد المزعطه


@@@

صايم اظل بجفاك منتضرك تعود


وفطوري من الكاك بوسه من الخدود


@@@

اتمنى بالنبظات وبكلبك التم


واتصل بالشريان ونقلك الدم


@@@

انته النبض بالروح وللجرح بلسم


وانته التظل شريان وتوزع الدم


@@@

شوف شكثر بجفاك تتحمل الروح


تنزف دمه واحزان وماكلت مجروح


@@@

ليش الهجر يهواي حارمني جيتك


وانته الكلب والروح يالغالي بيتك


@@@

كالو يردله اهوا لليغمض العين


انه اغمضتهه سنين بس المحب وين


@@@

لو بالكبر مدفون وتمر عليه


اعظامي كلهه ادكوم تاخذ تحيه


@@@

لاتطلع اترجاك لاتمشي بالسوك


وردة واخاف عليك منهم يشموك

بقلم


الشاااااااعر


كرار المعذب

[twfeek]

الله.الله............ياكرار
حس مرهف وجذاب..ربي يخلصك من العذاب
تقبل مروري.....


توفيـــــــــــــق

[سلام الدراجي]

دارميات رائعه اخ كرار اللهم لا يعذبك حبيبي دمت بخير

[نسيت انساك]

كرار دارميات في غاية الروعه تسلم ايدك يامبدع تقبل مروري اخوي الغالي

[مريم جبران عودة]

بصراحة كلها رائعة

احترت اي منها اختار


انته النبض بالروح وللجرح بلسم


وانته التظل شريان وتوزع الدم



شكرا لكم

وننتظر الجديد

[حيدر القريشي]

شوف شكثر بجفاك تتحمل الروح


تنزف دمه واحزان وماكلت مجروح

رائع يا كرار بأنفاسك الطيبه
دمت ودام لنا هذا العطاء
مع ارق التحايا
واطيب الامنيات

[ملك الرومانسيه]

دارميات غاليه في الروعه وبارك الله فيك

[سامي المشكور]

رائع جدا فعلا دارميات صاكه