ابوذيات ####))
كشفت عليك مامش......شر بكشفاك
ولكن مرض عندك......شربك شفاك
شخص شفاك رايد(شر بكى شفاك)
يثور اعله الصمت رد ثار بيه
صح سفحك يهفّي....صح وتل حر
برد لكن كليبي....صاح وتل حر
صحيت انه بمحبتك....صحوة الحر
الرياحي وحبك انته المنهجيه
اظل ليوين شارد ذهن....وليام؟
ونواذ فكري الغي اليوم...واليام
عجز يكتب رواية ضيم....وليام
شكسبير اعتزل من سمع بيه
أأن عليك وك افهم.....اناناي
وانه بوني طبع عندي....اناني
لاتكطع هوة العشرة....انا ناي
اموتن لو هواك يشح عليه
يريتك مو حرام وانته حل ليت
وعله اشفافك العسله انتحل ليت
أنه وياك انربطنه وانته حليت
اديك , ومارضيت اتحل ادية
انه الضايك الحنظل وانته حليت
وسؤالك ما احلّه وانته حليت
ابضعف جسمي ايتراعش وانتحليت
ومتت جي انته ماتنشد عليه
انه الما اكت دمعتي وانته جفّيت
وانه الطولان ثوبي وانته جفيت
الطلابة اكبال عيني وان تجفيت
تطكني وتفزع بروحي عليه
انه التايه عيوني بيهه ادله
وانه الصفنات مني بيهه ادله
وانه المن طاح زيجي بي هدل له
وانه اللاطم فراكه بكلتا ادية
عيوني اكبر هديه بي هدن له
وكلب من ثار دمه بي هده اله
صفن ضيفي ابمتوني بيهه دله
تصب كهوة وتشيل اهموم هيه
ردت سيره بغرامك هاية سيرة
وطلبتك مني صدّك ها يسيرة
ردت روحي وجبتهه هاي اسيرة
جتفت الروح الك بثنين ادية
أخلي بدنيتي انه شارة بيهه
الرجولة اليوم يهتز شاربيهه
النوايب ماكليهه وشاربيهه
النوايب لاتظن كدرت عليه
ابعروكي اشلون ما ادري يرة الدم
الجرح يغفة وتفز عينه يرة الدم
الصبر عندي الدهر منه يردّم
مثل صبر الله يوم الغاضرية
ابد مابي نطينه وانطه فينه
ونطيناه فَي عمرنة وانطه فينه
شعلنه بنار حبه وانطفينه
وصرنه ارماد ذرنة اعله الوطيه
خراب اكليبي هلهل من عِمَر ليك
ودعة لربة يطوّل من عُمر ليك
قرار اشلون يصدر منع امر ليك
وتختمة ابمحضر الهجران اليه
منقول.gif "66 (46)")
.gif "66 (6)")
رد مع اقتباس
رد: ابوذيات ####))
المشاركة الأصلية كتبت بواسطة بلسم الروح;62633 
رد: ابوذيات ####))
