انته اتركتني منقول

هذه القصيدة للاخ الشاعر سلام الحزين



انته اتركتني


سنين اصبرتلك وكلتلك انته الروح
وكلتلك من الدنيا بس انته عندي

تالي جرحتني وعفت بيه النار
على ناري ادير نفطك وتبدي

وكل هذا واني ابد محجييت
ودكلي احبك بعد وتريد ردي

شحجيلك بعد واني كلي دموع
ودموعي الجرت نيشان على خدي

وشسولف بعد وانه المجروح
وانته اتركتني بضلمتي وحدي

جنت احبك وكلت انته اليه اصير
ودي انته اليه وخيبت ودي

وحجيلك حجي بس حنين وشوك
التريدة اتسمعه والمتريده تعدي

وجنت اكلك اصبر عليه اشبيك
باجر الله يفرجهه وبالعرس نبدي

اخذني وياك كتلك وين متروح
بس يمك ردت اكعد وتكعد بسدي

وتركتني وعفتني الوحدي ظليت
وغيرك تدري بالدنيا ماعندي

احب شلون غيرك هذا الكلب يهواك
بس راح اعوفك جي صرت ضدي

اشكد قاسي بكلامك جنت حيل وياي
رغم هذا احبك ياهو الحبك بكدي

يالبيه جنت عايش ومتت ويالروح
وشيردك الي لو صيحت ردي

اخذ روحي واخذ كلبي واخذ العيون
شتريد اخذ مني وكلشي لتودي

شيصير بيه بعد مااهم للموت
خل اليصير ايصير وينكلب ضدي

خليني اغرك وخليني اموت اهنا
وخل تغرك سنيني وينهدم سدي

ماخافن بعد وهتم للدنياي
بدونك حياة اني ماعندي
بدونك حياة اني ماعندي

انشاء الله تعجبكم

http://www2.0zz0.com/2009/07/11/21/748912817.jpg

[مريم جبران عودة]

اخذ روحي واخذ كلبي واخذ العيون
شتريد اخذ مني وكلشي لتودي
\
\

ماخافن بعد وهتم للدنياي
بدونك حياة اني ماعندي
بدونك حياة اني ماعندي



\
\


مميزة اخي الفاضل

حاكت الروح والقلب

شكرا لكم

[محتاره]

سلمت اناملك اخويه

قصيده اكثر من رااائعه

صح لسان الشاعر

مودتىى

[سلام الدراجي]

تسلم كرار رائع ما شطرت ياد ويسلم الشاعر سلاك الحزين

[حيدر القريشي]

جميل ما خطته انامل الشاعر
الف تحيه منا له عبرك
ولكم مني ارق التحايا
واطيب الامنيات