حلاوة عراقية بحت..

[Bint Belady]

السلام عليكم ورحمة الله وبركاته
شلونكم اخباركم ان شاء الله كلشي تمام..
اليوم سويت اني الكم حلاوة عراقية..
***

**

*

حلاوة الجزر مع بعض الأسرار !!!
~~~~~~~~~~~~~~~~~~~~

المقادير:
1 كيلو جزر مبروش..

½1 كوب سكر..

1 كوب دقيق..

والسر في لذتها:
1 كوب من حليب نيدو..

½ كوب زيت..

وفستق للزينه..
~~~~~~~~~~~~~~~~~~~~

طريقت الأعداد:
1- نضع الجزر مع كوب ماء على النار.. ونسلقه جيداً..

2- نحمس الجزر جيداً الى ان يتغير لونه..

3- بعد الحمس نضيف السكر والدقيق وحليب النيدو..

4- نحمسه حتى تصبح كتله واحده..

5- ثم يصب بصحن ويزين بالفستق..


وصحتين وعافيه

[الحالمه]

يــم يـــم
شنو هالحلو الروعة هذا
عاشت ايدج حبيبتي بنوته , تره اني جاية بالطريق
خليلي شووية , شوية واوصل يم بابكم

[Bint Belady]

كل الهلا بيج راح ينور البيت ويزداد بركه بطبتج علينه..
مو تنسين الوردات فطومة واخته.. بيهن فرحتنه تزيد
يا كل الهله بالحبايب..
تسلمين حبيبتي أم فاطمة على احلى مرور..
دمتي بود يلغاليه

[قمـ بغداد ــر]

واخيرآ تعود لنا وردة المطبخ الفراتي من جديده


بنوته الغاليه تسلم ايدج عمري على الطبق العسل

[Bint Belady]

يا هلا والله بالغاليه ام مرام.. تسلميلي على تشجيعج اليه
وشكراً على احلى مرور..
دمتي بود

[سومه]

اممممم مبين طيبه اني ولا مره مجربه هالطريقه انشاءالله اجربها لاان مبينه كوولش طيبه من الصور
يسلموووو بنوته على الاكله الحلوه

[Bint Belady]

منوره عزيزتي سومه وشكراً على مرورج الطيب..
اتمنا جربيه.. (وحاولي تقللين من الدقيق شويه حسب الرغبه بدال الكوب خلي ثلاثة أرباع الكوب)
برأي تصير اطيب ومبين الوالده مسلمتج المطبخ فراويهم شطارتج..
دمتي بكل الود

[سومه]

اني مسويه حلاوة الجزر قب بس ولا مرة مخليه عليها طحين فانشاءالله اجرب طريقتج
اي والله سلموني المطبخ ولو اني مو كلش احب الطبخ بس لازم لاان خطيه من مرضت امي صرت اني اطبخ دائما
ومرات هيه يعني تساعدني وكل يوم مسويتلهم شي شكو شي اشوف بقسم الطبخ اسويه اجرب باهلي
صايرين حقل تجارب ههههههههههه
تحياتي لكي