ع ـــــــتاب

[محتاره]

علي شو طال زعلك وانه ما غلطان -----------------وانه المفروض ازعل ونته ترضيني
تنطيني الظهر لمن امد الأيد -------------- القصد ادعيلك وما كتلك انتطيني
سنيني وياك ظلمه وتدري كلش زين--------------وكلتلك يا ظواي وشمعة سنيني

بسهم طكيت كلبي وشفتك بهل عين --------------- وكلت لا ما تطكني وجذبت عيني
صرت امطار دربك وانه كلي طيان ------------ وانته بماي حقدك جملت طيني
كدامك طحت وبأيدك انته سلاح ---------------- بعذر طلقة الرحمه وحته ترميني
دومك تسب بيه وانه امدح بيك--------------------- وأكلك يا حلاتك من تحاجيني
كل هذا وتكلي شبيك انته وياي ------------------ عمي انته الطبيعي وانه لشبيني
بعتني بسعر جمله وانته ما معتاز --------------- وتتذكر شريتك انه بالدين
ومهلا علي لا تحجي فرد نوب ---------------- جنتلك عون هسه الصرت مو زين
كالولي دعوفه يدمرك يأذيك ------------------ كلت لا ما أعوفه انتم مجانين؟
عفتني بسبب تافه جي فقير الحال -------------- ورحت من عندي للبجيوبه فلسين
فقير الحال بس جيوبي متروسات -------------- من المثلك ترست جيوبي لثنين

الشاعر نشأت الخالدي

[سلام الدراجي]

محتاره تحيه لك دائما متميزه في اختيارچ القصائد الرائعه والجميله يارب دوم الابداع والتالق شكرا لكي اختي على النقل وبارك الله بيچ

[kinany]

الله الله ابيات جميله للشاعر
نشات الخالدي
يسلم ذوقج واختيارج الجميل
مشكوووووره

[حيدر القريشي]

شكرا على الانتقاء المميز
وعلى الذوق الرفيع
قصيده في غايه الروعه
لعذوبتها
وجمالها
ورقتها
دمتي ودام لنا هذا الاختيار
مع ارق التحايا

[مصطفى الفراتي]

كالولي دعوفه يدمرك يأذيك ** كلت لا ما أعوفه انتم مجانين؟
عفتني بسبب تافه جي فقير الحال**ورحت من عندي للبجيوبه فلسين
عاشت ايدج على النقل الجميل والرائع للقصيده والصراحه انتي
( أسم على مسمى )
محتارة
تقبلي مروري الفراتي

[طائر الجنوب]

قصيده كلش حلوه وكلماتها روعه عاشت ايدك على هذا الاختيار محتاره . تحياتي

[محتاره]

شكراً لكم على عبق مروركم

نورتوووا بحق

مودتىى

[شاعر غرام]

كالولي دعوفه يدمرك يأذيك ------------------ كلت لا ما أعوفه انتم مجانين؟
عفتني بسبب تافه جي فقير الحال -------------- ورحت من عندي للبجيوبه فلسين
فقير الحال بس جيوبي متروسات -------------- من المثلك ترست جيوبي لثنين

الشاعر نشأت الخالدي

هلي حلوه منازلهم وحيهم
يشيل الراس ميتهم وحيهم
هلي لو سمعو النخوه وحيهم
أجو مثل المزن فوك الوطيه

تقبلي مروري ولك وللشاعر
نشأت الخالدي أرق تحيه

الخالدي