جنت احبهه...جنت احبهه... جنت احبههوجانت ابحر ابتسامتهه يتهيج كل حنيني
وجانت بليلي الرموش اتنسم ايامي وتفرهد كل سنيني
وجنت اكضي بعطش فركتهه نهاري
ومن يجيني الليل حبهه هم يجيني
ياحلات اطيوفهه يسيرن عليه ليله ويباتن بعيني
جنت احاجي ازلوفهه بلمسات اديه
اتعاركن علزلف يسراي ويميني
وجانت ابلمسات اديهه الدافيات ..اتجيس صدري
ادكلي كل دكات كلبك تشتهيني
وجنت احبهه .. وجانت اعيوني على كل الوجوه اتخط رسمهه
واحفر بروحي يهلبت بالجروح مذكور اسمهه
وساعه اطير بجنح شوكي ومايذبني الشوك يمهه
اه لون غناوه هيه جنت اظل كل عمري اغنيهه واذوبن
وي نغمهه
اه لون اطويره هيه جنت اطيرلهه بسمه وكاع اتطير اتحط اشمهه
صادكت كل العصافير بطرفهم وعرفني
وكمت لومريت يتناغن بسمه ايسمعني
وحتى شارعهم نشدني شوكت جاترتاح
شوكل ماتمر مشيك سحلني
كتله ياشارع انه المجتول موحكي من ادور علجتني
امس ودتلي اخته....تكول وين.. الساعه بيش.وين اشوفك.. وهذا اخر يوم اشوفك.
ردت اكلهه عللسبب.تالي اعرفت لان السبب ماعندي سياره وقصر وهاي شو معروفه
ومااطولهه عليكم والمته.ومن شفت دمعه جفنهه
حرت بين اتراب دربي وحرت مدري منين افوت
لاحجايه ولاسلام اعليه ذبت روحه وتبجي بسكوت
اتكلي موتني علايدك احسن من افراك بي كل ساعه اموت
اتكلي باعوني علغيرك ..جابعد عمري شريده
اتكلي غركوني بذهبهم وانه اصيحن مااريده
اتكلي صدو كل خناجرهم عليك وذكرو اسمك
كلت اريده...... كلت اريده......كلت اريده
وياحسافه وياحسافه العكل طخت وانحنت تحت الدنانير الجديده
وياحسافه الغيره الي يحجون بيه للصك كلش بعيده
سمو الماعنده كثر اموال ماعنده شرف
والشرف كل الشرف للعنده سياره جديده
وحتى لوكدرو يسجنون الجسم هذا بقصرهم
تبقى دوم ارويحتي اتعيش بصريفتكم سعيده