ابوذيات مختارة @@

[بلسم الروح]

روحي برشف خدك من عداها
احب وصلك وهابك من عداها
افراكك يوم احمله ، من عداها
ازورك لو تصير احزاب اليه


قلبي مافرح عقـــــــــــبك ولاسار
ولا جدمي ماخطى الغيرك ولاسار
أخبرك مابقت جـــــــــلمه ولاسار
فضحني الدمع من غصـــبن عليه

يسمر عــــــن اودادك سنلها
اونارك تسعر ابجبدي سنلها
ساعه الفــــارقت بيها سنلها
اشحال افراقـك يومينك عليه


أريد أرحل ابضعن الشوق وحداوي
أوقلت هذا قراري أوياك وحداي
أريدك بس إلي خاص وحداي
مو عين الهاي أوعين إليه


انت الشمس وانت البدر منهل
وشفافك طعم العســـــل منهل
كلبي بس إلك ياتــــرف منهل
الورد من تمر ياخـذ لك تحيه


كل مغرم برت علتـــه وناله
سعيد اللي حضه بشخصك وناله
الطارش من سمع نوحـي وناله
ترك شغله وبجه رحمــه عليه


حبي إلك مافد يـــــــــــــوم ينقص
أوليش الصاحب أمن ايغيب ينقص
زمن خل الحديد ابخشــــب ينقص
ويخلـــــــــــــي الماله اول بالثنيه


بعدني ألف وسفه الوقت عنك بعدني
أموت أو أرتجي وصــــــلك بعدني
أوتراني عالعهد باقـــــــــــي بعدني
تراك أنت النظــــــــــر والحيل بيه


ناحل وامشي امكابر تراني
اجلد خاف عـدواني تراني
تاره الموت يدهـاني تراني
اصحه من يمر شامت عليه



حجايانا قضن يسمر وكتهن
ولون يحصل مجال إلهن وكتهن
أنا القى أدموع بعيــوني وكتهن
أودمعي خلص وانقــــــطع ميه


قوم انصب يصاحب ماتم النه
على الوياه ليــله ماتم إلنه
لون الرجل يمــلك ماتمنه
مهو بالهون فــركاهم عليه


بتاج الفرح ولفــــي توجاني
وحسن ردلي شبابي توجاني
من اثمار المحبــــه توجاني
قلبي الشبع ضيم أمن الاديه


نصحته اولا نفـــع وياه نصحاي
سكاره احنه بهــواه مابعد نصحاي
جفاني وصرت نصي ميت نصحاي
نحيـــل ولا اثــــر نكاد بيه


مر ولفي ايهبتـني ومره هبته
ومره اوصلت يمـه مره هبته
طحت مقدر يصاحب مره هبته
اسد يخسه الاسد ملقــاه اليه



وحق التعبده شيعه وسنه
ذوله الحرموا نومي وسنه
عليك اسيوف جردنه وسنه
علمك يلعبدت اشميت هيه


أحبـــك ما أحب غــــــيرك بدالاك
أوشوقي مابدى الغيرك بس بدالاك
أنــا ويـن القــى يا ......... بدالاك
مــلاك ومــن الســـــما نازل عليه


سريتوا بالضعن ياترف هاوين
جفيتوني ولعـند الغير هاوين
هاميت يحلو الطــول هاوين
حياتي والنظر اقــبالك عليه
منقول

[سلام الدراجي]

الاخت بلسم ابوذيات في قمه الروعه تسلمين على النقل

[شاعر غرام]

أختي بلسم الروح ونعم البلسم
أبوذيه لاتوصف معنا رائع
وأبداع متجدد ولايسعني
القول سوى عاشت الايادي
ودمتي لنا بنزف هذا القلم
بما هوه شيق وجميل
أرجو أن تتقبلي مروري
المتواضع وحياك الله
وسلام الخالدي

[محمد السوداني]

روحي برشف خدك من عداها
احب وصلك وهابك من عداها
افراكك يوم احمله ، من عداها
ازورك لو تصير احزاب اليه

بيت رائع وجميل
سلمت اناملك اخت بلسم ابوذيات راقيه
تقبلي تحياتي وشكري الجزيل

[بلسم الروح]

الاخت بلسم ابوذيات في قمه الروعه تسلمين على النقل

وتسلمنة وتعيش استاذنا العزيز

لا حرمنا روعة مرورك الكريم

اسعدت بالخير دوما

تحياتي

[بلسم الروح]

أختي بلسم الروح ونعم البلسم
أبوذيه لاتوصف معنا رائع
وأبداع متجدد ولايسعني
القول سوى عاشت الايادي
ودمتي لنا بنزف هذا القلم
بما هوه شيق وجميل
أرجو أن تتقبلي مروري
المتواضع وحياك الله
وسلام الخالدي

الله والنبي محييك ايها الاخ العزيز

سررت بمرورك الكريم نرجوا ان لاتحرمنا روعته

تحياتي

[بلسم الروح]

روحي برشف خدك من عداها
احب وصلك وهابك من عداها
افراكك يوم احمله ، من عداها
ازورك لو تصير احزاب اليه

بيت رائع وجميل
سلمت اناملك اخت بلسم ابوذيات راقيه
تقبلي تحياتي وشكري الجزيل

اهلا بصاحب الحس المرهف والذوق الرفيع

سررت جدا بمرور اخي الغالي

دمت بكل الخير

وفي امان الله وحفظه

تحياتي

ابوذيات في غاية الروعه


الف شكر