إختلفنا
مسحات غرامية دوما يستشعرها رواد الشبكة
بكُل طاقمه سواء المتعلم أو الجاهل المُركب
فشرارة العشق عند الكثيرون
مطلعُها من هنا
ونهايتها بين اساطيل الماسنجرات
نظرات قاصرة يرتادها الكثيرون هنا
موضة الحُب صارت عند كُل شاب و فتاة
واليوم الفتاة اللي ما قامرت على قصة
فهي مهمشة متخلفة ماعندها كيف
يعني ماعندها لا إحساس ولا حتى برستيجوو

كلمني اليوم احد الأصدقاء اللي احسبهم اصدقاء
صحيح دلخ بس طيوب
يقولي يابو خلود
في بنت
لو كتبت في المنتدى عن اي موضوع تلاقيها
اول وحده تشاركني فيه
بل وتأيدني بعنفين ونص
حتى لو كتبت عن مشاركة
سامي الجابر
في كاس العالم 2010
بعد سن الخمسون
تقول معااااك يامُبدع
يافارس الكلمة
قال
برأيك
شكلها تحبني ولا لا


طبعا كان ردي عليه بكلمتين ونص..



الشاهد
نلاقي عضو سبحان ربي وعضوه
كنهم كناري
حتى في الخط ورسمة الكُسور والضمة
زي بعض
حتى فتحات السقف مطابقة للمواصفات
وذيك الألوان الأورنجية على الفيروزية وأخرها الخربزي


هل معنى ذالك إنه
في بينهم غرام
عجب عجاب من جد


بعض الناس ينظرون بشكل مائل للكدرة
يعني ماعندهم ممارسة في الحياة
الا من خلال المنتديات
من الجنسين


قبل خمسة ايام وبالتحديد يوم الخميس
زارني دكتور هندي يحمل الجنسية الأمريكية
وكان بيني وبينه شغله خارج نطاق عمله
كان معاه بنت قمر
ولا ذيك العيون
قلت اكيد بنته وتبغا تتعرف
على طبائع الطروووش
اخذنا الكلام وتكلمنا في عدة امور وبخاصة في العمل
اللي بيني وبينه
البنت كُل شوي تهمس في أذنه همسة وتبعد
وأنا جالس اطالع في نفسي بشكل غير ملفت
اطالع في الطقم الصيني اللي امامهم قلت يمكن فيه شي
مو زين ولا العصير فيه شي
بصراحة مسكت نفسي
وقلت
بس
اكيد تقوله زي اميتاب باتشان يومن كان ورع
جلست اتكلم بكُل اريحية
خلاص عرفت السر


قلت في نفسي عمرها صغير وأكيد بينهم اسطوانات غرام
صح العمر مو لايق
وتبغا تغير الموجه
بس دكتور وله مكانته في المجتمع
يعني ماعنده سواليف ابو عرب


خرج
وحلفت عليه مليون يمين على العشا
وراح يكون حراااااق
إعتذر علشان عنده موعد اخر


ثاني يوم وبعد المغرب إتصل
وكان فيه حوار دام خمس دقايق وربع
قلتله
البنت اللي كانت معاك
اكيد ماكانت مرتاحة بالجلسة
قال بالعكس
البنت كانت جدا سعيده بدليل
تقولي
مو هذا الشخص اللي سويت له العميلة يادكتور
قبل ثلاث اسابيع
وكان يبكي بحرقة ما يبغا يسوي اشعة مقطعية


لعن ابو إبليسك ياشيخة


قلت بس البنت تحبني
يقولها بالهندي نهي
وهي ابد مُصرة


قلت عز الله طلعت فلم هندي
طلعت ممرضة عنده الأخ


الزبدة
هل ينتاب الجنسين شعور
عندما يُلامسون سطور اقوام دوما كانو معهم
ويفسرون تعابيرهم على انها إعجاب ..
مثير للجدل


مما اثار تطلعاتي
العفو اقصد مما راق لي