ذكرى مولدي ( بقلمي )

[علي الغنيمه]

عدت سنة !!

وحلت سنة !!وانه حالي سمجه امزوهره

والروح تسبح بالهظم

والوكت باحلامي جره


عدت بلا ضحكه السنه

بالهظم ضيعت الهنه

وناتي سموهن غنه

شماتي من كثر الكره

والحال سمجه امزوهره


*****

بياحال مرت هالسنه ؟؟
كل ساعه منهه ابحسره
وحسابهه ابنبض الكلب
بلهفه وحنين وعبره

مرت سنه وضاع العمر
مابين دمعات وصبر
انحب واذوب وانتظر
والكلب مل من صبره

*****

مابين آهات وصبر
مرت سنه من اسنيني
واحتركن اسنين العمر
كدام شوفة عيني

عدت سنه ومات الحلم
مابين جدران الهظم
والدمع جلمه بلافهم
مابين دهري وبيني
والوكت باحلامي جره
والحال !!!
سمجه امزوهره

[سلام الدراجي]

رائع علي قصيده رائعه عاشت ايدك

[محمد السوداني]

قصيدة غنائيه رائعه بكل تحمله من حلاوة بموسيقى ابياتها
وبكل ماتحمله من حزن وآآآآآآه لكن بصورة رائعة ومبدعه
بنزف قلم يفصح عن مايجول بخلده وقريحته وينفض الالم بطريقة مذهلة ويطير حراً

سلمت يداك ودام لنا نبض قلمك الماجد

تقبل تحياتي وتقديري

[علي الغنيمه]

شكرا لكم مروركم احبابي اثلجتم صدري والله يارب يشرح صدوركم وممنون من الاحباب