قد يسئل البعض لماذا كتبت العنوان
دارميات بمشاعر صادقه لان كل بيت
كتبته كان اله موقف وكان خارج من اعماق قلبي ولكم الحكم
موبس سكن وياي شخصك بالضلوع
انت وياكل اعضاي صدكني مزروع
تدري اشتياكي وياك جزاها الحدود
اغمض افتح العين بجفوني موجود
تتصور انه انساك واتحمل فراك
هو انه احجي وياك والصوتك اشتاك
بس روحي الك تشتاك والباقي فلسين
ومسكنك وسط الروح والثاني بالعين
صح انه قاسي وياك بس انت اقسه
ومن طبعي ماانساك بس انت تنسه
باقي انت وسط الروح ماكو احد وياك
شلتفت يسرى يمين كدامي الكاك
بس انت وسط العين والباقي برة
وبعدك علي يهواي سوالي حسرة