الك بس انته كلبى ..ورجيته

ودمع العين يمك ..ورجيته

ابتعد كلمن نخيته..والرجيته

ولاواحد اجانى وحن عليه








**************************
رعيتك ليش كلبك مارعانى

ويهمك فت دليلى ومارعانى

مرة احبس بدمعى مره اعانى

ومره تطيح روحى ابين اديه

****************************

هجرك ياولف صاير بلا حد

مثل سيف اليكص ركبه بلا حد

كلتلى انتضرى انى ارجع بالاحد

اجه الاحد يمته تمر عليه

****************************

غيرك مادخل كلبى ولا طاب

ولا دونك دخل كلبى ولا طاب

يجرحى وياك لا هود ولا طاب

دم ينزف ولا تدرى بيه

********************************

عليك الروح راحت من يردهه

و وكيحه همومى صارت من يردهه

خطيه الروح ملت من يردهه

لان بس الصبر يبسل عليه

**************************

لا تظلم دليلى اياك واياك

انه طفيتك وجف الغير وياك

صدك من على تهد وياك

اهد وافزع وطك بثنين اديه

********************************

عيون الكلب يوم اجفاك يدمن

عفتنى وصافحت ياترف يدمن

انةه المثلى على الحسرات يدمن

عسى انسى هواك اشعمل بيه

******************************

الوادم تنظر لجسمى يروحاى

وانه اموتاتنى سكته يروحاى

ليش وبالعجل طحتى يروحاى

خلص صبرج يروحى وخنتى بيه

*****************************


جفيت ومن جفيتو ماتملكم

بدليلى ونصب عكلى ماتملكم

عجب للحين روحى ماتملكم

تفرفح كالطفل ليكم بديه

****************************

شبدينه عالنحبه مايحبنه

مثل سمج طبعه مايحبنه

بارديالتشربه ماى حبنه

وشربت يالكلت مالح شويه

***************************

زرع ريان من كلبى ترابه

ومثل طعم العسل ياعالم ترابه

دللته ياخلك الله وعله ذراعى تربه

وجه غيرى وخذا من بين اديه

****************************

نهرت النفس ماتقبل نهارى

دموعى يكتن على خدودى نهارى

اكضى بالحزن بعدج نهارى

وباليالى اموتن وشيصير بيه

***************************


تقبلوا اختيارى


منقول