حيرة المغزل (بقلمي )

[علي الغنيمه]

ندري بينه تخون جلمات الوصف
وندري من جانو نسميهم حبايب
ضيعو بينه العرف
بس يدنيه العين غركانه ابدمعنه
ولشوكت تبقه ترف
بين اه الليل ودموع الندامه
احلام حلوه اتظل وقف
ومن شخطنه العمر كله ابحيف
كمنه نشخط بالغلف
والشخطناله العمر حطنه ابجزيره
وغاب ويه اول جرف
لشوكت نبقه بامانينه ندور
ابحيرة المغزل نلف
كلما تكثر الفرات بينه
اكثر واكثر ننجتف
والشخطناله السنين ابعود عود
شيعاهن مستخف
وصرنه بعيونه سمل عمله قديمه
وغير قابل للصرف
واحنه غفوة حلم لجله
وصغنه من الروح محبس للترف
وسولة الحلمان بعيونه غشاوه
وللاسف جدمه يتيه وينحرف
وباليعيش احلام منهو اليعترف
ندري بالجانو نسميهم حبايب
ضيعو بينه العرف

</I>

[حيدر اللامي]

كلمات جميلة
مشكور اخوي
العزيز
ننتظر الجديد
تحياتي

[علي الغنيمه]

كلمات جميلة
مشكور اخوي
العزيز
ننتظر الجديد
تحياتي

مروركم الاجمل سيدي الغالي دمتم ودام للخير مسعاكم شكرا لك

[ام فيصل]

بوحك عذب ياعلي
واحساسك جميل -- يداعب القلب بكل صدق
اسلوب مميز
وابداع في اختيار المفردة

احسنت -- ودام لنا جود مدادك

مع تحياتي لبو حسين

[علي الغنيمه]

بوحك عذب ياعلي
واحساسك جميل -- يداعب القلب بكل صدق
اسلوب مميز
وابداع في اختيار المفردة

احسنت -- ودام لنا جود مدادك

مع تحياتي لبو حسين

شكرا لك نورت حماك الله دمت بكل الود