مساجله مع { مامرتاح } بقلمي

[علي الغنيمه]

مامرتاح
يالتنشد عليه وبين اديك ارماح
مامرتاح
كلشي انشوف بس حرنه ويه الناس
من صار البشر يلبس جلد تمساح
مامرتاح
لان طبع النذل من يغدر ايصيب
وصواب النذاله اجروحه ماتنزاح
مامرتاح
باكوني ابغفل وآنه الجنت ناطور
والحبه الدليل انكلب ضدي اسلاح
مامرتاح
خلوني اعله علوه وكامو ايصوبون
طحت اتباشرو شماتي كالو طاح
مامرتاح
من صاحب درب ناطرني ادير العين
حط خنجره ابظهري ودار ظهره وراح
مامرتاح
من منجل حصادي الصار بيد الغير
من سنبل امصوفر طشره المرواح
مامرتاح
غدروني الرفاكه وحملوني ابغيض
ماذكرو الطيبه وركضتي اعله الصاح
مامرتاح
من سم الجرعته وماجزه الزردوم
من جلمة نواعي ابشفة المداح
مامرتاح
من حال الوكت من دورة الايام
منشار الليالي وعمري صار الواح
مامرتاح
من عمري الكضيته اتعلعل ومرتاب
مثل خوف الذبيحه ابشوفة الذباح
مامرتاح
يالتنشد عليه وحالي الك مكشوف ؟؟
من هم الوكت ؟؟؟؟؟؟؟؟؟
من عصرة المعتاز ؟؟؟؟؟؟؟؟؟؟
من سدة البوب ؟؟؟؟؟؟؟؟؟؟؟؟
منين كلي ارتاح ؟؟؟؟!!!
مامرتاح !!!!
**********
*****************

[عتابي]

عاشت الايادي .. وننتظر الجديد
تقلب مروري

[علي الغنيمه]

عاشت الايادي .. وننتظر الجديد
تقلب مروري

وانته العايش اخوي انته شكرا لك ودمت بكل خير

[محمد السوداني]

والله وصح السانك قصيدة رائعه دمت بهذا الابداع والتالق

تقبل تحياتي وتقديري

ننتظر نزف قلمك القادم

[علي الغنيمه]

والله وصح السانك قصيدة رائعه دمت بهذا الابداع والتالق

تقبل تحياتي وتقديري

ننتظر نزف قلمك القادم

شكرا لك تعطيرك متصفحي اخي الغالي دمت بكل الود

[شاعر غرام]

عاشت أيدك
وتسلم يامبدع؟

[علي الغنيمه]

عاشت أيدك
وتسلم يامبدع؟

يارب تعيش وتسلم اخي الكريم تقبل تحياتي

[ام فيصل]

راقي انت دوما يبو حسين
كلماتك تصيب الروح والقلب بعفويتها وجمال احساسها
دمت لنا بهذا الرقي
ودام لنا ابداعك --------------- مع تحياتي