محاورة دارمي بين الشباب والشابات ..اتمنى ان تقرئوها لحد النهايه

[الحب الضائع]

] [/IMG]

[IMG] [/IMG]
اليوم جبلتكم محاورات شعرية دارمية بين ال[IMG
شباب والشابات
املين ان تنال اعجابكم

تبدأ القصة في مجلس يجمع مجموعة من الشباب و الشابات , و يبدأ أحد الشباب بهذا البيت من الدارمي

شاب و شبع لوعات و هم طلع شيبة ___والفرح عنة بعيد و بلا حبيبة

فترد عليه إحدى الشابات :

طم روحك بسرداب و الطم لطم ميت ___كل ربعك مكبلين بس انت ظليت

الشاب:
هم ردت أطم الروح بسردابي گوة ___بس شفت فارة و فار بالختلة جوة

الشابة:
تتغازل الفيران وانت التباوع! ___مو بس تطم الروح .دكها بمدافع

الشاب:
هم جبت مدفع زين ,گلبي ارد أهفة ___بس شفت قنبلتين ,شفة اعلى شفة

الشابة:
جانت تعوزك هاي ,حب القنابل___ماتگلي حظك ليش وياك قافل

الشاب:
ما اريد أهيج جروح خل أمشي أحسن___وابعد بعيد هناك و بروحي اسحن

الشابة:
لا عمي,لا هيهات هاليوم أعوفك ___خليني أمشي وياك وافهم ظروفك

"ينهض الاثنان و يسيران معا,تاركين المجلس"

الشاب:
بس مشيج انت وياي مابي دواية ___سلعة و لفظها السوگ ,گلبي و هواية

الشابة:
خافن عليك تروح تلبسلك حزام ___و بواحة العشاگ اتفجرة وتنام

الشاب:
مو ذنب اهل الشوگ ماعندي محبوب ___يجوز بجهرتي عيوب مانحب فرد نوب

الشابة:
عمي الزلم أخلاق مو بالمظاهر___و گلب البنت مفتوح للگلبة طاهر

الشاب:
كل ظنج الگى گليب يخفگ لملگاي___وبشوفي يفرح دوم و يگلي ياهواي!

الشابة:
الگلب بالتشريح تشوفة نصين ___نص لمسير الدم و نص للمحبين
وكل احنا عدنا انصاص,هم الها ثاني___ولا بد ينول الحب كلمن يتاني

الشاب:
يابة شكثر تانيت گربت أأيس ___وگلبي الخفگ من جان البكري ريّس
بس والله هم معقول حجي الحجيتيه___اشگلتي لو تبنين گلبي و تسكنيه؟

الشابة:
لي هسة ما حسيت !وك آنا أحبك___و من (طلعن الشيبات)وآنا اعلى دربك
ونشدت گلبي اعليك ,گال انت حباب___بس رادك تناغيه حتى افتح الباب

الشاب:
و فكرت ب(التفخيخ)وب(طمة السرداب)___ثاري الأمر محلول وي دگة الباب
بس انت حلوة هواي وآني قدي و عوع___ولو شافت أم وحام وجه العلية تزوع

الشابة:
شلّي آنا بأم وحام و شلّك معاها___إنت شريج الروح ,ميها و ضواها

الشاب:
گلبج صدگ وياي أفديلة گلبي ___و خل تسمع العشاگ ,بس انتي حبي

الشابة:
و بواحة العشاگ سجل إسمنا ___نحجز مكان هناك و الحب يلمنا


مع تحيات ........atheer........



منقول

[ام فيصل]

عاشت ايدك عزيزي اثير
محاورة جدا جميلة
دمت لنا بهذا العطاء
والتذوق في الإختيار --- تقبل مروري
وتحياتي لك

[الحب الضائع]

شكرا اخت ام فيصل

على الردود الجميله

لكي مني خالص التحيه والتقدير
مع تحياتي

[الحب الضائع]

شكرا وسن على الردود الجميله تحياتي

[شاعر غرام]

بالحب بنيت أبيوت والشامت أحذاي
ماهني كل ماكال كون أنته وياي


تقبلي مروري

[الحب الضائع]

تسلم اخي على الردود المميزه

تحياتي

[وليد المهندس]

تهوه وتريد الروح تهوه وتريدك ...بيد الله روح الناس بس روحي بيدك
شكرا لك على المحاوره الشعريه الجميله

[الحب الضائع]

شكرا خيو على الردود المميزه

تحياتي