صدكني احبك

[عتابي]

صدكني احبك والله شاريك

وشاري لكل ذنب حصلته يهواي

وذنوبك ابدما شالهه انسان

تعذبني وتمر كل يوم الك راي

ردت وياك انه مارايد الغير

انت الشيبتني باول اصباي

مشكلتي احبك وشفتك بيك

يل تبخل عليه برشفة الماي

حاير بيك يسمر وين اخليك

خافن من احضنك تبجي عيناي

لن صوتك ترافه اولحن فنان

عود انته اوكمان او بحة الناي

يلكلك حنان وطيب واخلاص

ا بنارك يحبيب احتركت احشاي

ماعوفك اوياي الساعة الموت

مو انه اليكل للحبه بيباي

وذنوبك ابد ماضن تنجيك

يلطاغي ابغرورك كلش اهواي

للنار اتبعك لو رحت للنار

شلي بجنه اذا ماشوفك اوياي



منقوووووول

[القناص ستار]

واني حبيتك وحبيت مواضيعك الحلوة

[الشاعر سلام الشويلي]

قصيدة رائعه وجميله عاشت يدك وقلمك المعبر....وشكرا

[عتابي]

اشكر الف مرة من مر بكلماتي
لقد فؤجئت بردودكم المعبرة عن الحب .. والاعجاب
الشاعر سلام الشويلي .. والاخ القناص
عندما اسمع بسلام الشويلي احني الراس احتراما له وتعبيرا عن اعجابي وهيامي بهذا الشاعر ..
سلمت الايادي .. واسعدتموني