ما تجون ..الى الاخوة المغتربين

[أنثى شرقية]

ما تجون


الى الاخوة المغتربين ....مع التحية

ما تجون
انهجم بيت گلوبكم هلبت تجون
خلي ساعه بطيف نفرح ومره ما تخيب الظنون
خل أگول أحبابي أجوني وما نسوني ويذكرون
خل أظمكم خل أشمكم خل أكحل عيني بيكم خل أفك ذيچ السجون
ما تجون ؟
سنين عيني تغازل برزة الباب وزاعلت حتى الجفون
أطلب وجيت آنه أداعي سنين ردولي الديون
حَنّوا بابي بدگة أديكم بشوفكم كل شي يهون
الفرگه ذيب وفتش حلگه وصرتوا مابين السنون
مختنگ محتاج ليكم وينكم صيرولي عون
خل أشگ زيج القوافي گبالكم يالغيره عدكم وادري بيكم تستحون
أبقه احبكم وانتظركم عمري كله شما يكون
وابقى اتنطر وصلكم ..
وتظل مشبوحه الدربكم .... هاي أذا ظلت عيون
ما تجون ...
ما تجون ....
انهجم بيت گلوبكم هلبت تجون


منقول لعيونكم

[عراقيه غيوره]

ما تجون
انهجم بيت گلوبكم هلبت تجون
خلي ساعه بطيف نفرح ومره ما تخيب الظنون
خل أگول أحبابي أجوني وما نسوني ويذكرون
خل أظمكم خل أشمكم خل أكحل عيني بيكم خل أفك ذيچ السجون

كلمات ما اعذبها وما اجملها من عبارات

تسلمين حبيبتي احلام دمتي بخير وسعاده

[أنثى شرقية]

اسعدني مرورك وتواصلك الدائم حياكم الله وكل الهله بيج اختي الغاليه تحياتي لكم

[محمد السوداني]

ما تجون
انهجم بيت گلوبكم هلبت تجون
خلي ساعه بطيف نفرح ومره ما تخيب الظنون
خل أگول أحبابي أجوني وما نسوني ويذكرون
خل أظمكم خل أشمكم خل أكحل عيني بيكم

اجيلج ركض واوصل كبل الجدام
واذا تعبت اجدامي امشي اعلديه
للشاعر خضير هادي

بغداد بغداد بغداد
خنجر الغربة يسكنني
مالك لا ترحمي وجعي
اصبري
وتعلمي مني صبري
انا كلما اشتاقك اطالع في المرآة وجهي
عندما هممت بالسفر يابغداد ثقي بربي
انا لم احمل للغربة معي فقط هيكلي
بل حملتك انتي والعراق معي بصدري
بحقيبتان تركت ربابي
حقيبة صدري تحملكما
وحقيبة السفر تحمل ما تبقى مني

تقبلي مروري واعذري ارهاصات قلمي اخت احلام
سلمت ودام لنا رقي النص في مشاركاتك

تقبلي تحياتي وتقديري

[أنثى شرقية]

اسعدني مرورك وتواصلك الدائم حياكم الله اخوي الطيب محمد
ربي يرجعك سالم غانم لبغداد الحبيبه وتفرح باهلك وناسك الطيبين
بغداد تنتظركم بفارغ الصبر ياعراقيين

تحياتي لشخصك الكريم