ابو ذيات جديدة جدا

[عمار الغزي]

سوالف راحن ببالي واجن حين
حين اتسودن بحبك واجن حين
كلب طير ارتجي من الله وجنحين
اطيرا ليك بيهن كل مسيه

ظلام البيك داكن شقسمانه
وتريد وياك عالحب شقسمانه
جلد كلبك اعرفه شقسمانه
شجاني وجبت كلبك بين اديه

يدنيه شعندج من ارماح وجهي
ولو جان بمكاني ايوب وجهي
اباوع بالمرايه وشفت وجهي
دنك ماحمل ضيم العليه

مو عيني دمع جسمي ينز لك
يبيتك بالكلب صاير ينزلك
علم عالراس من يكدر ينزلك
والخدمتك روحي لبس عسكريه

اليحبونك بصدك لا تسلهم
وابد عن سبب حبك لا تسلهم
امن احجي وياك عفيه لا تسلهم
احس تاخذ الروح بغير جيه

حبك بالكلب غالي وشلته
ودمعي بيوم هجرانك وشلته
احب كلبك وصحبانه وشلته
واحبك حيل يالمبعد عليه

هلي الملتم شملهم من فللهم
وديار الغرب صارت منفة الهم
اريد افل الهم منفل الهم
روحي مشرعبة بالهم سوية

مسجون لاجنح عندي وامركم
اظل خاضع لمحبتكم وامركم
لابد هالسجن يخلص وامركم
واعاتب كل نذل ما مر علية

ياربي لو ننخاك العبد عينه
سوده وماتحب الكحل عينه
رفع طرف العبايه وشفت عينه
وشفت ميزان ونجوم وثريه
متعود على احبابي وراهم
ما بيه حيل أمشي وراهم
لون أدري العشگ هيچي وراهم
أبد ما حب ولا أمر بالأذية

الوكت عمدا بيه طالب آنه
فرد طلبه من الله طالب آنه
آنه أتمنه أصير عدهه طالب آنه
تدرسني وعطرها يعط عليه
منقول

[عمار الغزي]

شكرا لك اخي الكريمتحياتي لك ولمروركلك مني كل الحب والاحترام

[الحب الضائع]

شكرا اخ عماره على البو ذيات الجميله

تقبل تحياتي

[ام فيصل]

هلي الملتم شملهم من فللهم
وديار الغرب صارت منفة الهم
اريد افل الهم منفل الهم
روحي مشرعبة بالهم سوية

صح لسانك ياعمار
باقة رائعة من الأبوذيات
عاشت ايدك عزيزي
ودام لنا هذا التميز
تحياتي لك

[حيدر القريشي]

شكرا لك اخي العزيز
على هذه الابوذيات الرائعه
وتقبل تحياتي

[عمار الغزي]

لك مني كل الحب والتحية
اخي الكريم
وشلكا لك ولمرورك الغالي

[عمار الغزي]

شكرا لكم احبائي
على مروركم الغالي
لكم مني خالص
الحب والتقدير