احباب النحبهم ماردادونا@جفونا وبجفاهم مردونا@ولك صرت طوبه وليلعب بيها ماردونا@.......

[الحب الضائع]

دخنت من التتن دنهل وسومر
>>وقلبي من هواكم زنجر وسومر
>>احبكم من عهد بابل وسومر
>>ولك حتى حمورابي انكسر قلبة علية
>>

>>
احباب النحبهم مارادونا
>>جفونا وبجفاهم مردونا
>>ولك صرت طوبة واليلعب بيها مارادونا
>>مدكولي بعد يا كولجي يلحك علية
>>
>>

>>جدري غله ميه وابد مافار
>>ولا بقى بيتي لاجريدي ولا فار
>>ولانا مكمل الخدمة ولافار
>>اركض والعريف يدك عليه
>>
>>

>>كثر بحسنك وبجمالك وصفنه
>>وحبك يرادله كعدة وجلسه وصفنه
>>اتمنى من الله اتكون بمدرستنا وصفنا
>>اذا تاخذ صفر انطيك مية
>>

اتمنى ان تنال اعجابكم

مع تحياتي

اثير

[محمد السوداني]

دخنت من التتن دنهل وسومر
وقلبي من هواكم زنجر وسومر
احبكم من عهد بابل وسومر
ولك حتى حمورابي انكسر قلبة علية

هههه بيت فكاهي في قمة الروعه
والله وعاشت ايدك على هذه المشاركة الجميلة اخويه العزيز اثير الورد

تقبل تحياتي وشكري الجزيل

[الحب الضائع]

شكرا اخويه الغالي ابو جاسم على ردودك المميزه

وتواجدك في صفحتي يسعدني

تقبل تحياتي

[حيدر القريشي]

عاشت الايادي اخويه العزيز
ابيات ابوذيه في غايه الروعه
دام لنا هذا التالق
مع ارق التحايا

[ام فيصل]

اختيار جميل
وابيات دارمي جميلة
شكرا لك الحي الضائع
ودام لنا هذا التذوق في الإختيار
تحياتي لك وننتظر المزيد