روحي وانته (بقلمي )
وغناوي مونسات اذنك زمان الفات
وانه روحي على اجروحي اتذب ملح وتزيد
لان شافت اجروحي امخاويه الطعنات
ومن كلبي اعله كلبي الحسره تعصر ضيم
وسنين العمر خلصن بالحسرات
عمه اعيوني ظلامك ياشبيه الليل
واتذكر كبل توعدني بالضويات
صحبتك ياشبيه الليل ظلماي
سراب ومن تشوفه العين ظلماي
عله روحي لذب ابغيض ظلماي
جي لنهه نست جويات اديه
روحي وانته وليل حسباته تطول
واسراب الظنون ابحضن راسي اتبات
يمخيب الظنون انكشف كل البيك
ياجذبة عمر وانكشفت ابلحظات
بعت ودي ابرخيص وسافرت لبعيد
وشيحوي الكلب من صحبة البذات ؟؟
اخبارك تجيني امحملات اذنوب
وانطيتك المهله وماشفت جيات
كافي انطيتك المهله وعديت
تعال اذنوبك ازدادت وعديت
جبتهه الاجلك امحارب وعديت
وانته الضيعت عمري من اديه
عمر ضاع ابظل محبتك وانته بعته ارخيص
يالخذت العنب رد ليه بالسلات
تظل حاضن اذنوبك ياحضن لعداي ؟
وتظل باب الجهنم نار ماتنفات
وعيونك مكر تتلون اكل حين
نابات الحيايه اتسمم ابنظرات
حسبالك تظل للتالي وسط الروح ؟؟؟
من وهمك صحيت !!
وماتظل ** هيهات
ماتظل هيهات
ياخاين عرفتك وانكشف جذبك وحالك
اغمضت عيني و كلبك ابجتلي وحالك
ضميت الضوه ابليلك الاظلم وحالك
ياثوب الخيانه الماستر فديوم خله
وسهامك ابكلبي وجنت احسبك خله
خل جرح الملامه ينز ابغيض خله
طبع بيك الغدر !!
ماواحد الوزك وحالك
************************
****************************
رد مع اقتباس
رد: روحي وانته (بقلمي )
رد: \
المشاركة الأصلية كتبت بواسطة رنا العراقية
