ابو ذيات روووووووووعه

[عمار الغزي]

انه لعبره ومعانيها والحروف
وانا الآهات والونه والاحرى اوف
يروف امسودن ابجرحي والح روف
وهو مسودن يغمج الجرح بيه
***************
الخوره وعواليها واليروف
طحت ما شفت من يرحم واليروف
آنه الجرح يا عالم واليروف
مسودن والمخايط تشكّ بيه
****************
افر داسين وي وكتي (وكر داس)
وعليه اهموم كردستها وكرداس)
صرت مثل الذي بجدمه وكر داس)
عجارب والحيايه اتحيط بيه
****************
افر داسين وي وكتي (وفر دوس)
يدوس بجدمه وانه اصرخ (وفر دوس)
جهنم صارلي الصاحب وفردوس
صرتله وحور عين وآخريه
****************
يعتابي الح وصفت عتّاب
على الصاحب يماجد يبن عتاب
زليخه النايبات اتحوم(ع التاب)
ودليله وحيله قدتهن سويه
****************

عالي وابد ماينصه ركابي
لجن وسفه الوكت صاير(ركه بيه)
زليخه اتكّول للنيبه ركابي؟
وانه مريم شماته اتحيط بيه
****************

من الزلات روحي (عاصم الهه)
وحبيسه اباب طيري (عاصي املهه)
المصايب دوله وانه (عاصمه الهه)
وسفيري الظيم والهم قنصليه
****************
لما وكتي وقاني الزلل وقليم
وصرت للنايبات الورق وقليم
اذا عندك مصايب دول وقليم
وتكّول العاصمه؟ بس اني هيه
منمقول

[ام فيصل]

احسنت
وصح لسانك
ابوذيات رائعة عزيزي
شكرا لك ولهذا الإختيار الموفق
تحياتي لك ياعمار
وننتظر منك المزيد

[امير الاحزان:]

بداية موفقة معانه
استمر بهذا التألق اخي العزيز
فأنا من المتابعين لجديدك
تقبل مروري