دولاب الزمـــــــــــــــــــــــــــــــــن............ .....
اخذ مني النصيحه وبالك أتميــــــــل***ولابد كلشي من دنياتك اتضـــــــوك
اكظـم غيضك ابصدرك عالهمــــوم***وإذا قل الصبر روح انظر النـــــوك
اخذ عبره اليضرك وانته تنســــــــاه***اكورب اليمطّرفوكه طابــــــــــــوك
لتظل حوت تبلع هذا لـــــــــــــوذاك***جم حوت الي مسه بمايه مخنــــــوك
وذا جم عضمه تبلعهه بسلامـــــــات***اكولكمه التجيك اتشكك احلـــــــــوك
دولاب الزمن لازم يدور ويــــــــاك***لتظن سربسه وبرغيه مسحــــــــوك
جم واحد صعد دولابه بايـــــــــــات***وصل قمه وتلولح طاح من فــــــوك
الك بس الزرعته بيوم تاكـــــــــــاه***وجذب شتلة هجر تحمل ثمر شـــوك
مد اجذورك بطيب ومســـــــــــرات***ولتظل بس وتدد بالكاع مدكــــــــوك
لان لومات عودك عطش وسمــــوم***لابد يجي بيوم اطــك العــــــــــروك
ليغرك زمن بالمال والطيــــــــــــش***وتتكبر على اللي ثوبه مفتـــــــــــوك
ولتظن بالفلوس اتعيش مـــــــــرتاح*** هم شفت الشرف ينباع بالســـــــوك
باجر كلها تتساوه بهل تــــــــــــراب***كل واحد جفن ويشيله صنـــــــــدوك
منقول للشاعر تحسين الشاعر
رد مع اقتباس