/// مــــــا مـــــــــرتـــــــــــاح ///
ما مرتاح كَلبي لغيبتك هاي
وخايف من افسر يخطي تفسيري
راح أحاول أرسم فرح بالوان الصغار
وألغي السواد من الوان تفكيري
وأصبر علبعد وأخلقلك أني أعذار
وأخطلك بالعشك عنوان تقديري
أحبك..... ومرات أختلف وياك
ظليت أنت سر العايش أبيري
أحبك .....يافرحة زماني الجاي
واظل ارسم فرح وياخذني تصويري
تصورتك فرح وأحتار كَلبي وياك
تشوفني الحزن وتكَلي بيه حيري
داريت الدمع بعيوني خاف يطيح
واغتاظ الدمع من كثر تصبيري
وتاليهه انصدم تطلع محبتك زيف
وسجان الحزن الما يرضى تحريري
حسبت الوفة طبعك حبيبي وياي
ما أدري بغدر تجازيني ياطيري
وك كَلي عذر لو خلصن الاعذار
مو جنت اعتذر وما ادري تقصيري
ياطير دار الزمن ...وهسه عرفتك زين
وراح امحي محبتك من تصاويري
وسواد الي لغيته راح ارسمك بيه
واذكرك بالغدر يالتحجي وي غيري
تقبلووووا تحياتي
اختكم لباب