اتريد تعوفني ....... الله وياك

[احسان الجنابي]

شلون تريد اعوفك واني معجب بيك

تقبلهه اعوفك؟؟؟ لامامعقوله

شلون تريد اعوفك وانت احله انسان

والشافك تعلق بيك بسهوله

شجابك عليه انت طلعتلي منين

تعب وياك قلبي و خلص مفعوله

معجب بيك اني وانت متريد

كلي شلون اقنعك خلكك شطوله؟؟؟

شسويلك بعد بس كلي شتريد

انه بدونك احس الروح مشلوله

كل حجيك رزن واخلاقك احله اخلاق

وبحسنك جميع الناس مذهوله

شكد رادو احبهم ولهالحظه يردون

و حجو ويه قلبي شكد بجووله

رادوني احبهم وانزل راسي للشوق

و بقه قلبي بمكانه وهمه صعدوله

ادري هي كوه؟؟؟ اني معجب بيك

انه اختاريتك صدك من بين كل ذوله

بس انطيني فرصه انطيك ماي العين

مو قلبي والله لعبت بي جوله

[سلام الدراجي]

اخي احسان قصيده غزل حلوه وهي على وزن التجليبه ولكن هذا البيت على وزن النصاري
معجب بيك اني وانت متريد
ليش ما ادري تحيه لك من القلب ودمت بخير

[ام فيصل]

احسنت يااحسان
وصح لسانك عزيزي
قصيدة حب جميلة تنطق بالإحساس
دام لنا فيض منهلك
ولاحرمنا هذا العطاء
دمت بخير عزيزي
وتحياتي لك

[احسان الجنابي]

اتشرف في معرفتك سيدتي سهر وشكرا على الرد مع تحيات الجنابي

[امير الاحزان:]

تسلم اخي احسان 00
ولكن احببت ان انوه عن الاختلال في الوزن عند الكتابة
يرجى الانتباه لذلك 00وكما اشار الاخ سلام الدراجي:
فها انت اضعت المعاني والنغمة التي لا بد ان تصاحب القصيدة الشعبية في اغلب مكوناتها بين التجليبة والنصاري00وهذا يعد زحاف بحد ذاته00
نتمنى لك الموفقية 00بانتظار جديدك