زهيريات روعة

[مصطفى الفراتي]

هذه بعض الزهيريات
التي تجمع بين الغزل وبين العكس والذي هوه الغدر
رافك اكليبي الحزن صاير صدك تك اله
ولو صاحبك من عسل لاتطمع وتاكله
ولو جار بيه الوكت انته سنتك اله
ماينسه فضلك ابد ويصير الك كالملك
كلبي قصر ياترف وانته عليه كلملك
كتلك اخذ كليتي انه ناطي كلمه الك
لاجن شكلك اذا عايش ابتك كله
****************
ذني الشفايف عسل واصل العسل من تمر
حتـى ابعـذابك حـلو كـلك حـلو مـن تـمـر
ازرع ادروبك ورد ويخضرن من تمر
كون اوصل الركبتك واندك عليهه واشم
واكضي العمر ياترف بين الروايح واشم
ادريك ياحبيبي انته عمري الغيور الاشم
بس اعتب عليك ماتدك بابي من تمر
***************
ياصاح كلبي اشكثر يامه تعب دار الك
واكطعهه لو عتبت رجلي وتمر دارالك
بديت كاس الوفه صدري الذي در الك
وشغيرك ياترف عني اشعلامه اشتصد
لان مو ذهب معدنك لو ذهب جاماتصد
تنصبلي بيدك شرك ومتاني يمته تصد
اشلع دليلي شلع لو فكر ودار الك
منقول

[اسامه ابن العراق]

روعة الزهيري مصطفى لا عدمنا ابداعك كلش حلوات وعجبوني هواية لا عدمنا ابداعك ورد تقبل مروري

[ام فيصل]

شكرا لك ولهذا الإبداع عزيزي
زهيري رائع بكلمان اروع
دام لنا مدادك
وتحياتي لك

[هاشم نجم]

رافك اكليبي الحزن صاير صدك تك اله
ولو صاحبك من عسل لاتطمع وتاكله
ولو جار بيه الوكت انته سنتك اله
ماينسه فضلك ابد ويصير الك كالملك
كلبي قصر ياترف وانته عليه كلملك
كتلك اخذ كليتي انه ناطي كلمه الك
لاجن شكلك اذا عايش ابتك كله
ابيات ازهيري روعه
عاشت الايادي
مودتي

[محمد السوداني]

مشاركة رائعه عاشت الايادي اخويه العزيز مصطفى كلك ذوق وروعه
الف شكر اخويه للزهيري الجميل

تقبل تحياتي وتقديري

[سلام الدراجي]

مصطفى الفرات روعه ازهيريات عاشت ايدك على النقل تقبل روري

[القناص ستار]

حلو كلش حلو والاحلى اختيارك الراقي