الى حبيبتي الخائنة

[مصطفى الفراتي]

رسمتك بالگلب يا ناگص وياي

وأحس بدموع عينك إني غرگان

انته شما زدت بيه من الجروح

ما طيحن واكولن انته غلطان

علية لاتحد كل السچاچين

رغم چلمت حبيبي صارت فلان

الوكت دولاب يفتر چنا ناعور

ويوگع البشر من زلت اللسان

بعت روحي وإلك رخصت العيون

طلعت انه المقصر وانته زعلان

أكل بيه الوكت مثل الولاه الذيب

وخلة اعضامي فوگ الگاع نيشان

تشوف الحال وانته الادره بيه

صح ليل الشتا وياي سهران

وألف ياعيب احچيها وأراويك

ذبل عودي يعيني وجسمي تعبان

العمر وياك جبته مصارع وي الموت

وانه شما ساهرت وياك خسران

شحضيت اشحصلت من ذيچ الآسنين

بس الهم لفالي وكثر الإحزان

منقول

[امير الاحزان:]

العمر وياك جبته مصارع وي الموت

وانه شما ساهرت وياك خسران

شحضيت اشحصلت من ذيچ الآسنين

بس الهم لفالي وكثر الإحزان
000000000000000000000000000000000000000000
صح السانك اخي العزيز
صدك شحضينه وشحصلينه
سهر الام وسكم
تالي بس بالهم حضينه
00000000000000000
مشكور حسن اختيارك00لقد المتني كلماتك لانها (تضرب على الوتر الحساس)

[ام فيصل]

شكرا لك يامصطفى
اختيار رائع واحساس مؤلم تخلل السطور
احسنت على هذا الإنتقاء المميز
ودام لنا هذا التواصل والتميز
دمت بخير عزيزي