خاف انمل حبيبي ؟؟؟؟؟؟؟؟؟؟

[احسان الجنابي]

سولف كول الك واهس تبقى وياي
وذا مالك واهس كول لاتخجل
مااقبل احبك ونتة مامرتاح
وماارتاح احبك وانتة ماتقبل
فكر بليهمك والمهم شتريد
انة كل اليهمني المهم ماتزعل
ومايهمني الدرب صار امشي بية اسنين
مااندل جنت بس هسة كمت اندل
بكيفك من اجيت وما جبرتك يوم
وما اجبرك بكيفك لو ردت ترحل
طرفين العشك لازم كرامة ايكون
ومااحب اي طرف بلعشك من ينذل
مامليت منك اكدر ابقى وياك
بس المشكلة خاف انة راح انمل
بس المشكلة خاف انة راح انمل

[ام فيصل]

طرفين العشك لازم كرامة ايكون
ومااحب اي طرف بلعشك من ينذل

الله الله يالجنابي
قصيدة رائعة باحساسها ومعانيها
عاشت ايدك عزيزي
وشكرا لك على ماجاد به مدادك
دمت بخير دائما
وتحياتي لك

[رنا العراقية]

مااقبل احبك ونتة مامرتاح
وماارتاح احبك وانتة ماتقبل

[احسان الجنابي]