أبو ذيــات جديد

[وردة بغداد]

وحك الي بده القرأن بسمه
تركني وضاعت من اشفاي بسمه


الكلب ماصاح بسمي صاح بسمه


لان هوالكلب والروح اليه


♣♥♥♥♥♥♥♥♥♥♥♥♥♥♥♥♥♥♥♥♥♣



هله يل كل عشرتي وياك00ماسات


واسكر لوشفاياشفاك00 ماسات


الك خدين بيض اتكول00 ماسات


من احبك ينعكس وجهي عليه



♣♥♥♥♥♥♥♥♥♥♥♥♥♥♥♥♥♥♥♥♥♣



حبيبي شلون حالك وصفه اليه


عوف الناس كلهه وصفه اليه


مريض وصرت انت وصفه اليه


من اشوفك كل مرض مايبقه بيه



♣♥♥♥♥♥♥♥♥♥♥♥♥♥♥♥♥♥♥♥♥♣



حبك بلقلب ياصاح .. زلزال


ومن تبعد عليةايطيح .. زلزال


اكص الساني لو وياك .. زل زل


واكص ايدي التمسك بالأذية




♣♥♥♥♥♥♥♥♥♥♥♥♥♥♥♥♥♥♥♥♥♣



قهر حبك حبيبي عسل وي جوز


وربك مايتوب الكلب ويجوز


تريد انساك بس بالموت ويجوز


تلمنه الاخره ونرجع سويه


♣♥♥♥♥♥♥♥♥♥♥♥♥♥♥♥♥♥♥♥♥♣



غيابك خلخل اعضامي.. وهدهن


وجر حسرات ببعادك.. وهدهن


آلي دمعات لو ابجي.. وهدهن


تفيض اليابسة ونغرك سويه

[شاعر غرام]

يروحي أبشوك ودك وانه بيه
عليك أعضاي تلهج وانه بيه
أنجان أجنازتك شالو وانه بيه
تلمنه الاخره أونكعد سويه
ــــــــــــ
تحياتي
متابع جديدك
ياقمة الأبداع

[هاشم نجم]

ابيات ابوذيه رائعه
عاشت الايادي
ننتظر المزيد
مودتي

[وردة بغداد]

تسلمون علمرور والردود الجميلة

منورين

[ام فيصل]

غيابك خلخل اعضامي.. وهدهن


وجر حسرات ببعادك.. وهدهن


آلي دمعات لو ابجي.. وهدهن


تفيض اليابسة ونغرك سويه

احسنتي عزيزتي وردة
باقة ابوذيات رائعة
وتحمل اجمل المعاني
دام لنا هذا التميز والأنتقاء
ودام لنا عطاؤك
تحياتي لك

[وردة بغداد]

تسلمون علمروركم الجميل جدا

منورين الصفحة