اذا حليتها الك وسام الفرات للتميز

[عراقي هواي وميزة فينا الهوى]

مع تحياتي
حزورة لو مسئلة رياضية
ابكيفكم
تكدر اطلع ناتج تقسيم الرقم
999887766554433212345
بحيث يصبح اربع فقط

مستحيل
لكن في العراق المكرود
اكو
999887766554433212345
ممن لايخافون الله في اموال الشعب
وكعت المصيبة براس 4
اتفضل العمليه الحسابية
الزبيدي يوعز بتشكيل لجنة للتحقيق مع 4 من موظفي المصرف العقاري
http://www.radiodijla.com/cgi-bin/news/news_item.pl?id=2009-04-27

الزبيدي يوعز بتشكيل لجنة للتحقيق مع 4 من موظفي المصرف العقاري



اوعز وزير المالية باقر جبر الزبيدي بتشكيل لجنة تحقيقية وتدقيقية برئاسة المفتش العام لاجراء تدقيق شامل في أعمال وحسابات المصرف العقاري.
وذكر بيان صحفي لوزارة المالية تلقى راديو دجلة نسخة منه اليوم الاثنين ان اللجنة دققت في حسابات الصندوق والاقسام المالية والرقابة والقانونية والهندسية والاقسام الاخرى، مبينا ان اللجنة توصلت الى عدد من المخالفات والتجاوزات الادارية ورفعت توصياتها الى الوزير.
واضاف البيان ان قرارا صدر بسحب يد أربعة من الموظفين في الفرع الرئيس للمصرف لغرض استكمال التحقيق معهم، مشيرا الى استمرار التحقيق مع الملاكات العليا في المصرف العقاري لتحقيق انسيابية وعدالة في توزيع القروض بين المواطنين.
ولفت البيان الى ان الزبيدي وجه دائرة المفتش العام في الوزارة بمتابعة التدقيق والتحقيق مع جميع فروع المصرف العقاري في بغداد والمحافظات.

[ام فيصل]

عيوني ابو الغيث مافي الخبر بالرابط
يعطيك العافية

[عراقي هواي وميزة فينا الهوى]

عيوني ابو الغيث مافي الخبر بالرابط
يعطيك العافية

شكرا للمتابعة
تم نقل الخبر كاملا
تقبلي تحياتي

[الحــر]

حياك الله يالطيب
اي والله صدكت مستحيل تصير لهالمسئلة حل
بس بالعراق البصل يرهم على كل شي ما سامع .!
وهاي رهمت سالفتهم وصارو كبش الفداء..!
عاشت ايدك وبارك الله بيك

[ام فيصل]

ولفت البيان الى ان الزبيدي وجه دائرة المفتش العام في الوزارة بمتابعة التدقيق والتحقيق مع جميع فروع المصرف العقاري في بغداد والمحافظات.

باعتقادي اذا ماكنت مخطئة ان هذه خطوة جيدة
واول الغيث قطرة

اما بخصوص الأربعة فلا توجد تفاصيل لمواقعهم في المصرف او درجاتهم الوظيفية
فربما يكونوا من اصحاب المناصب في المصرف ولايمكن ان يكونوا من الموظفين البسطاء
لأنهم بالتأكيد لايملكون الصلاحيات مثل رئيس المصرف والمدراء

واذا كان رئيس المصرف او من يساعده فهذا ايضا شئ جيد


واذا كنت تقصـــد الرووس الجبيرة كلش فهؤلاء لهم يوم
اقرب من حبل الوريد وراح يعرفون ان الله حق
مو يكــولون ان الله يمهـــــل ولا يهمـــل
مصيرهم تصيدهم
عـــــــــــــدالة الســـــــــــماء

تحياتي للعزيز

[وليد المهندس]

نحن نعلم جميعا ان الفساد الاداري والمالي قد نخر اجهزة الدوله ومؤسساتها وقد حان الان البدء بمعالجة هذه المشكله وان كانت الخطوات خجوله ولا ترتقي الى المستوى المطلوب ولكنها البدايه ويجب ان يتم تشجيعها وتحفيز المسؤلين عليها بل ومطالبتهم بها واذا كان المسؤل هو المفسد فسوف ياتي الذي يقول له انت مفسد لان الشعب يشجع على محاربة الفساد الاداري ولنحسن النيه في بعضنا لانه ان خليت قلبت اليس كذلك؟؟
شكرا لك استاذنا العزيز ابو الغيث على الموضوع واسف للاطاله

[علي السلطاني]

شكرا حبيبي على الخبر
كلشي يصير لا تتعجب
عيش وشوف

[الياسري]

بيان جبر عيوني راقب ابنك (ياسر )وشوف شكاعد يسوي ومنريد نحجي هوايه
بس انكول شكد ياخذ علمود يطلعنه قرض