لا تبجين ....

[الشاعر ماجد الدعمي]

لا تبجين ...
ولا تنزل دمعتج يل دمعتج نار
تلجم بالجروح وتاكل بروحي
ولا تبجين ..
يا اترف حبييه وياعز مخلوق
ياعيني ودمعهه وبلسم جروحي
ع خدودج احس الدمع ينزل نار
وعله نوحج تعده وماهجع نوحي
اتمنى اعله شفتج بسمتج بستان
واتمنى ضحكتج تطش فوك الكون
احسن للفرح مخلوقه هالعنيين
وابد مو للدمع مخلوقه هيج عيون
حطي ايدج بديه
وانس ذاك الراح
وجفي بلا جفج مدري حاله
شلون ...؟
اريد ازرع ورد منا لحد الموت
وعله الصوبين جوري كون من
تمشين
ولا تبجين ....
يا اخر قصيده وشوك كلبي اعليج
اجيج منين ...؟
وادك ياباب حته اتجين ؟
واسمعج انه من تبجين !
واحس بدمعتج ناعور
يدور وبس يعبر هموم
صار سنين
ولا تبجين ...
يل صوتك امس ياخذني
حد الشوف
وابحر والظنون البيه شظنين ؟
احلفج بيج لاتبجين
وكون ارسم فرح بعيونج ولايات
وتا نيتج قصيده باليل همي
اتجين ...
وتانيتك شمس كلساه تدك الباب
ولعيون اليحبج بيدج تكحلين ..!
يل ريان عودج ويملي حتى الشوف
ويل جنج مدري شنو ؟
بدرب من تمشين
احلفج بيج لا تبجين
وولا ازعلين
ترس حلكج اضحكي الدنياج
وافرحي شكثر ماتردين
لا تبجين ..
لان تبقين ماي العين
وعزيز هواي دمع العين
*****

ماجــ 25/ نيسان ــــــــد

[ام فيصل]

احلفج بيج لا تبجين
وولا ازعلين
ترس حلكج اضحكي الدنياج
وافرحي شكثر ماتردين
لا تبجين ..
لان تبقين ماي العين
وعزيز هواي دمع العين

تلك هي ملامح عطاء الحب
نمنح من نحب البهجة وننزع من دروبهم الألم
شفاف تبقى بإحساسك ياماجد
تغنيت بإبداع كان ولايزال ميزتك
وابحرت في كلماتك -- وانا اتذوق حرفك الراقي
ربي يخليك -- ولايحرمنا فيضك
تحيتي وودي ------ للمــــــــــاجد

[محمد السوداني]

رائع انت ياماجد وانت تتحفنا بلوحاتك الفنيه الرائعه
سلمت وسلمت يداك شاعرنه العزيز

تقبل تحياتي وتقديري

[أسامه الشاعر]

رائع ماكتبت ياماجد وسلمت يمينك
تحياتي لك ياشاعر ودمت

[عاشقة تيسير السفير]

ولا تبجين ..
يا اترف حبييه وياعز مخلوق
ياعيني ودمعهه وبلسم جروحي
ع خدودج احس الدمع ينزل نار
وعله نوحج تعده وماهجع نوحي
اتمنى اعله شفتج بسمتج بستان
واتمنى ضحكتج تطش فوك الكون
احسن للفرح مخلوقه هالعنيين
وابد مو للدمع مخلوقه هيج عيون
حطي ايدج بديه
وانس ذاك الراح

الله ياماجد على كلامك الروعه

[أنثى شرقية]

ولعيون اليحبج بيدج تكحلين ..!
يل ريان عودج ويملي حتى الشوف
ويل جنج مدري شنو ؟
بدرب من تمشين
احلفج بيج لا تبجين
وولا ازعلين
ترس حلكج اضحكي الدنياج
وافرحي شكثر ماتردين
لا تبجين ..
لان تبقين ماي العين
وعزيز هواي دمع العين



الله عليك ابوي الغالي وربي بجيتني هسه
كلماتك ذهب والله
ابوي اعزك هواي الله شاهد عليه

اريد الله يوفقك ويستر عليك وينطيك الصحه والعافيه
ومايرحمني منك ابد

تحياتي ودعائي الدائم الك ابوي

الف شكر الك

[مصطفى المالكي]

الله الله الله
يا ماجد جميل جدا ما خطت ناملك هنا
لك مني كل الود والتحية

تحياتي

العراقي

[وردة بغداد]

قصيده روعة رووووووعة روعة


تسلم يا مبدع علكلمات الجميلة جدا